Белгідрамет расфарбаваў Беларусь у тры колеры

Сіноптыкі падзяліліся прагнозам надвор'я на найбліжэйшыя дні.

Беларускія дзяржаўныя метэаролагі ўдзень у суботу папярэдзілі, што ў нядзелю, 23 сакавіка, у шэрагу раёнаў Беларусі будзе "неспрыяльная гідраметэаралагічная з'ява".

У Берасцейскай і Гарадзенскай абласцях Белгідрамет абвясціў аранжавы ўзровень небяспекі. "Удзень 23 сакавіка (нядзеля) па захадзе краіны ў многіх раёнах чакаецца ўзмацненне паўднёва-ўсходняга ветру парывамі 15-18 м/с", — гаворыцца ў паведамленні.

Тым часам, сіноптык тэлеграм-канала Nadvorie са спасылкай на еўрапейскую мадэль прагназавання ECMWF паведаміў аб невялікіх дажджах.

"Уначы з нядзелі на панядзелак і ўдзень у панядзелак на значнай частцы тэрыторыі Беларусі дажджы пры тэмпературы +3..+7°, удзень, у другой палове, на ўсходзе краіны магчымы дождж са снегам", - папярэдзіў экспэрт.

Паводле ягоных слоў, следам за нядзельным цыклонам да вечара панядзелка з паўднёвага захаду падыдзе яшчэ адзін "з мацнейшымі ападкамі ". А гэта значыць, што найбольш інтэнсіўныя дажджы паводле прагнозу ECMWF пройдуць на поўдні і ўсходзе Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com