«Слова мацнейшае, чым любая куля»

Ксёндз Барок заклікаў «гартаваць волю», бо «ідзе час вяртаць Беларусь».

Ксёндз Вячаслаў Барок, выступаючы 23 сакавіка перад удзельнікамі ўрачыстага мітынгу ў Варшаве, назваў Дзень Волі «самым галоўным сьвятам Беларусі».

«Яно сапраўды галоўнае для тых, хто разумее каштоўнасьць свабоды. Хто цэніць свабоду і хто любіць свабоду», — адзначыў сьвятар Барок.

Паводле яго слоў, у Дзень Волі трэба ўзгадваць «шлях, які прайшоў беларускі народ», паведамляе «Радыё Свабода».

«Мы свабодныя, — дадаў Барок. — А калі свабодныя, то і адказныя. За лёс нашай нацыі і нашай краіны. Мы бяром на сябе адказнасьць за нашу Беларусь. Бяром нават цяпер, калі краіна акупаваная».

«Шлях змаганьня за вольную Беларусь прасякнуты крывёю змагароў, пакутнікаў. І мы сёньня памятаем усіх сваіх герояў. Мы ўпэўненыя — Беларусь будзе вольнай. Мы сьвядомыя. Калі гасподзь адарыў нас магчымасьцю быць беларусамі, то мы мусім і жыць для Беларусі. Бо як казала адна з выбітных дачок народу беларускага [паэтка Ларыса Геніюш], як жыць — дык жыць для Беларусі, а без яе — зусім не жыць», — заявіў ксёндз.

Ён заклікаў беларусаў «не губляць сваіх крылаў». «Вяртайце сваю мову, гаварыце сваё слова беларускае. Слова мацнейшае, чым любая куля», — сказаў Барок.

«Беларусы, гартуйце волю, памятайце: ідзе час вяртаць Беларусь. Мы не баімся сёньня прызнацца, што мы не рабы, мы вольныя. Няхай баяцца тыя, хто выбраў цёмны бок. А мы выбралі бок дабра, бок сьвятла. За намі перамога», — падкрэсьліў сьвятар.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com