Трамп абвясціў пра тарыфы 25% для ўсіх краінаў, якія набываюць нафту і газ у Венесуэлы
10- 24.03.2025, 20:20
- 6,988
Мыты пачнуць дзеянне 2 красавіка.
Прэзідэнт ЗША Дональд Трамп заявіў, што будзе дамагацца ўвядзення 25% мыты для любой краіны, якая набывае нафту і газ у Венесуэлы, пры гэтым ён спаслаўся на міграцыю і чальцоў злачынных груповак. Гэты крок асабліва паўплывае на Кітай, асноўнага пакупніка нафты з амерыканскай краіны, піша Bloomberg.
«Любая краіна, якая набывае нафту і/ці газ у Венесуэлы, будзе вымушаная плаціць тарыф памерам 25% Злучаным Штатам за любы гандаль, які яны вядуць з нашай краінай. Уся дакументацыя будзе падпісаная і зарэгістраваная, і тарыф пачне дзеянне 2 красавіка 2025 года, у ДЗЕНЬ ВЫЗВАЛЕННЯ АМЕРЫКІ», – напісаў Трамп.
Журналісты зазначаюць, што экспарт сырой нафты з Венесуэлы вырас да пяцігадовага максімуму ў лютым. Потым адміністрацыя Трампа заявіла, што змушае амерыканскую транснацыянальную энэргетычную карпарацыю Chevron Corp. згарнуць сваю дзейнасць у краіне да 3 красавіка. Каментарый прэзідэнта ЗША стаў вынікам спробаў Chevron атрымаць больш часу для заканчэння ўгодаў з дзяржкампаніяй Венесуэлы.
Пра сваю пастанову Трамп абвясціў пасля таго, як Венесуэла аднавіла прыём дэпартацыйных рэйсаў у ЗША. Аднак ён сказаў, што краіна «мэтанакіравана і падманным шляхам скіравала ў Злучаныя Штаты пад прыкрыццём дзясяткі тысячаў высокапастаўленых і іншых злачынцаў, многія з якіх з'яўляюцца забойцамі і людзьмі вельмі жорсткага характару», у тым ліку чальцоў банды Трэн дэ Арагуа.
«Венесуэла была вельмі варожая Злучаным Штатам і свабодам, якія мы падтрымліваем», – напісаў Трамп.
Нагадаем, 12 сакавіка пачалі дзеянне мыты Трампа на ўвесь імпарт сталі і алюмінію, што выклікала адказ з боку Еўропы. Еўракамісія заявіла, што з наступнага месяца ўвядзе сустрэчныя тарыфы на амерыканскія тавары памерам 26 мільярдаў еўраў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
