Вынікі перамоў з РФ: у Трампа анансавалі пазітыўную заяву

Праект адпраўлены ў Маскву і Вашынгтон для ўхвалення.

Перамовы прадстаўнікоў ЗША і РФ, якія былі сканцэнтраваныя на спробах дасягнуць пагаднення аб спыненні агню ў Чорным моры, былі прадстаўленыя Вашынгтонам як крок у намаганнях прэзідэнта Дональда Трампа аб спыненні вайны ва Украіне.

Крыніца Reuters у Белым доме паведаміла, што на перамовах у Эр-Рыядзе назіраецца прагрэс і што "пазітыўная заява" чакаецца "ў найбліжэйшай будучыні".

Расейская крыніца паведаміла Reuters, што перамовы закончыліся позна ўвечары ў панядзелак, і праект сумеснай заявы быў адпраўлены ў Маскву і Вашынгтон для ўхвалення, і стораны маюць намер апублікаваць яго ўжо сёння.

Раней у панядзелак Трамп пералічыў іншыя пытанні, якія былі на парадку дня акрамя Чорнага мора: «Мы зараз гаворым аб тэрыторыі. Мы гаворым пра лініі размежавання, гаворым пра энэргетыку, валоданне электрастанцыямі».

Нагадаем, Расея не пагадзілася на прапанаванае Трампам 30-дзённае замірэнне,. заявіла, што гатовая спыніць атакі толькі на энэргетычную інфраструктуру Украіны.

Перамовы ў Савудаўскай Арабіі

23 сакавіка ў Эр-Рыядзе прайшлі перамовы ўкраінскіх і амерыканскіх дэлегацый. Пасля іх міністр абароны Рустэм Умераў паведаміў, што дыялог быў эфектыўным.

Пасля перамоў прадстаўнікоў ЗША і РФ, якія ўчора праходзілі цэлы дзень, стала вядома, што ўкраінская дэлегацыя застанецца ў Савудаўскай Арабіі яшчэ на адзін дзень, каб сустрэнецца з амерыканскімі калегамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com