У Сірыі цалкам знік інтэрнэт
6- 25.03.2025, 9:18
- 2,910
Уночы 25 сакавіка.
Уночы 25 сакавіка на ўсёй тэрыторыі Сірыі знік доступ у інтэрнэт, паведаміла міжнародная служба маніторынгу інтэрнэта NetBlocks. "Аператыўныя сеткавыя зветкі паказваюць агульнанацыянальнае адключэнне інтэрнэту ва ўсёй Сірыі", – гаворыцца ў паведамленні. У сэрвісе адзначылі, што перад гэтым паступалі звесткі аб збоях у працы тэлекамунікацыйных сістэм у некалькіх сірыйскіх гарадах, але ў якіх менавіта, не ўдакладняецца. У папярэдні раз NetBlocks паведамляла аб шматгадзінных адключэннях інтэрнэт-злучэнняў па ўсёй Сірыі ў студзені. Тады Міністэрства сувязі краіны назвала прычынай "сабатаж з боку рэшткаў рэжыму Асада". Апошняе адключэнне інтэрнэту ўрад арабскай рэспублікі пакуль не каментаваў.
Былы прэзідэнт Сірыі Башар Асад пакінуў уладу і пакінуў краіну ў пачатку снежня мінулага года на фоне ўзяцця ўзброенай апазіцыяй сталіцы рэспублікі - горада Дамаск. У сакавіку ў правінцыях Латакія, Тартус, Хама і Хомс пачаліся ўзброеныя сутыкненні паміж алавітамі, якія з'яўляюцца прыхільнікамі Асада, і новымі сірыйскімі ўладамі. Агульная колькасць ахвяр перавысіла 1,3 тысяч чалавек, з якіх больш за тысячу - мірныя жыхары. Рэйды сілавікоў закончыліся 10 сакавіка. Прадстаўнік Мінабароны Сірыі Хасан Абдэль-Гані заявіў, што ўрадавым сілам бяспекі "ўдалося нейтралізаваць рэшткі зрынутага рэжыму Башара Асада" і стабілізаваць сітуацыю.
Пасля гэтага новыя ўлады Сірыі звярнуліся да расейскіх уладаў з патрабаваннем выдаць Асада, які атрымаў прытулак у Расеі. Са звестак Al Arabiya і Al Hadath, часовы прэзідэнт рэспублікі Ахмед аш-Шараа дамагаецца выдачы Асада, каб правесці над ім суд. Пры гэтым Расея пакуль адмаўляецца задаволіць патрабаванне аш-Шары, мяркуючы, што гэтае пытанне "не з'яўляецца непераадольнай перашкодай для аднаўлення стасункаў" дзвюх краін.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
