Сталі вядомыя патрабаванні РФ да Украіны на апошніх перамовах з ЗША
25- 25.03.2025, 9:52
- 19,280
Размова ішла пра кантроль над неакупаванымі тэрыторыямі.
Расейская дэлегацыя на перамовах з ЗША ў Савудаўскай Арабіі патрабавала ўзяцця пад свой кантроль усёй тэрыторыі чатырох абласцей Украіны - Данецкай, Луганскай, Запарожскай і Херсонскай.
Аб гэтым піша The Moscow Times.
«Пакуль час на нашым баку, і мы паспрабуем максімальна выкарыстоўваць яго», - заявіў выданню крамлёўскі чыноўнік перад другім раўндам перамоў.
Хоць ні адну з абласцей расейскае войска не кантралюе цалкам, Крэмль разлічвае захапіць іх у адміністрацыйных межах, спасылаючыся на канстытуцыю РФ, дзе «замацаваная іх анэксія», піша выданне.
«У канстытуцыі няма механізму для выхаду рэгіёнаў са складу Расеі. Нам патрэбны ўся Запарожская і ўся Херсонская вобласць», - адзначыў расейскі чыноўнік.
Расея спадзяецца, што ЗША альбо маўкліва дазволіць працягваць наступ на полі бою, пакуль дыпламаты вядуць перамовы, альбо нават націснуць на Украіну, каб яна цалкам вывела свае войскі з акупаваных рэгіёнаў, уключаючы Херсон і Запарожжа.
Акрамя таго, Расея можа паспрабаваць акупаваць частку Днепрапятроўшчыны або Сумшчыны, каб потым прапанаваць гандаль Херсонам і Запарожжам.
«Мы спадзяемся знайсці варыянт, які не будзе звязаны з фарсаваннем Дняпра і штурмам Херсона. Я вельмі спадзяюся, што да гэтага не дойдзе. Для нас гэта азначала б тысячы ахвяр», - сказаў расейскі чыноўнік.
Чыноўнік таксама дадаў, што з пункту гледжання ваеннай лагістыкі расейскія сілы ў іх цяперашнім стане не могуць рэальна імкнуцца да чагосьці за межамі раёна Славянска і Дняпра.
Нагадаем, ультыматумы, якія расейскі дыктатар Уладзімір Пуцін выстаўляе да прапанаванага прэзідэнтам ЗША Дональдам Трампам 30-дзённага замірэння, маюць на мэце прыслабіць Украіну. Яны не змяніліся з пачатку поўнамаштабнага ўварвання.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
