У Махачкале грымнулі выбухі ў жылым доме і салоне мабіьлнай сувязі: новыя падрабязнасці
- 25.03.2025, 11:40
- 5,020
Пяць чалавек пацярпелі.
У сталіцы Дагестане Махачкале раніцай 25 сакавіка прагрымелі два выбухі. Першы з іх адбыўся ў адной з кватэр 14-павярховага жылога дома на вуліцы Гапцахскай, паведамілі ТАСС у аператыўных службах. Са слоў суразмоўцы агенцтва, на сёмым паверсе дома ўзарваўся газ, пасля чаго ўспыхнуў пажар. Пашкоджанні атрымалі дзясяткі кватэр - адна з іх засталася без вонкавай сцяны. У Міністэрстве аховы здароўя Дагестана паведамілі пра двух пацярпелых: мужчыну і жанчыну, у абодвух моцныя апёкі. Жанчына знаходзіцца ў цяжкім стане. Яна, як удакладняе Shot, з'яўляецца гаспадыняй кватэры, у якой узарваўся газ.
З-за выбуху ў пяці суседніх пяціпавярховых дамах часткова выбіла вокны, таксама былі пашкоджаны 50 прыпаркаваных у двары аўтамабіляў, паведамілі ў МНС Расеі. Ратавальнікі эвакуавалі 150 чалавек з будынка і хутка ліквідавалі гарэнне. У мэрыі Махачкалы заявілі, што дом, у якім адбыўся выбух газу, не быў уведзены ў эксплуатацыю і ўваходзіў у рэестр пазапраўна збудаваных пабудоў. Пры гэтым Shot піша, што людзі "актыўна засяляліся" у шматпавярховік. “Прычыны [выбуху] высвятляюцца, на месцы працуюць экстраныя службы, прадстаўнікі адміністрацыі горада і праваахоўных органаў”, - адзначылі ў мэрыі.
Другі выбух прагрымеў прыкладна праз 30 хвілін у салоне мабільнай сувязі на вуліцы Імама Шаміля, паведамляе Shot. Тры чалавекі пацярпелі. Іх шпіталізавалі ў раённую клінічную лякарню імя А.У. Вішнеўскага. Са звестак Mash, газавы балон разарваўся не ў салоне мабільнай сувязі, а ў бістро, якое знаходзілася праз сценку. Экстранныя службы правяраюць гэтую версію.
.jpg)
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
