Рэжым пакінуў беларусаў без электронных рэцэптаў і лісткоў непрацаздольнасці

Заходняя кампанія разарвала кантракт з Міністэрствам аховы здароўя.

Запуск нацыянальнай сістэмы электроннай аховы здароўя, анансаваны яшчэ на 2022 год, сарваўся праз удзел рэжыму Лукашэнкі ў вайне супраць Украіны і наступных санкцый ЕЗ. Распрацоўнікі шукаюць новага выканаўцу, а праект зараз пераводзяць на бюджэтныя сродкі, паведамляе «Белсат».

Нацыянальная сістэма электроннай аховы здароўя павінна была стаць сучасным інструментам, які аб'яднаў бы ўсе медыцынскія звесткі аб пацыентах Беларусі ў адной базе. Праект прадугледжваў запуск сайта і мабільнага дадатку, праз якія беларусы атрымалі б доступ да электронных рэцэптаў, лістоў непрацаздольнасці і асабістай гісторыі лячэння.

У 2022 годзе Міністэрства аховы здароўя Беларусі ўклала кантракт на суму больш за 57 мільёнаў даляраў з харвацкай філіяй швэдскай кампаніі Ericsson Nikola Tesla, нагадвае DW. Аднак пасля ўвядзення Еўразвязам санкцый супраць дзейнай улады кампанія надумала разарваць кантракт.

Цяпер Міністэрства аховы здароўя спрабуе знайсці новага выканаўцу і вымушана фінансаваць праект выключна за кошт бюджэтных сродкаў, таму што раней фінансаванне забяспечваў Міжнародны банк рэканструкцыі і развіцця. Тэрміны запуску сістэмы пакуль застаюцца нявызначанымі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com