«Дэмарша чакаць не варта»
10- 25.03.2025, 16:58
- 11,334
Трамп хоча ўсялякім коштам дабіцца дамоўленасці з Расеяй.
Супольная заява аб выніках пераў ЗША і Расеі ў Эр-Рыядзе (Савудаўская Арабія) не была прынятая.
Што магло адбыцца? Пра гэта сайт Charter97.org пагаварыў з доктарам палітычных навук, прафесарам КНУ імя Тараса Шаўчэнкі Пятром Алешчуком.
- Наколькі я зразумеў, з афіцыйнай заявы з боку расейскай дэлегацыі, а менавіта першага намесніка старшыні камітэта Савета Федэрацыі ў абароне і бяспецы РФ Уладзіміра Чыжова, асноўная прычына адсутнасці агульнай заявы - гэта пазіцыя Украіны. Нашая краіна выступіла супраць гэтага.
ЗША гэта ніяк не пацвердзілі, але нібыта і не зняпраўдзілі.
- Некаторыя СМІ пісалі, што адным з патрабаванняў Расеі можа быць кантроль над чатырма абласцямі Украіны, якія запісаны ў расейскую Канстытуцыю. Наколькі гэта падобна да праўды?
- Сумняваюся, што менавіта на гэтых перамовах такія пытанні маглі ўзнімацца, таму што гэта ўсё ж не настолькі сур'ёзны ўзровень. Мяркую, што расейцы, вядома, гэтае патрабаванне перыядычна паднімаюць, але, відавочна, што пакуль нейкім чынам гэта абмяркоўваць было б наўрад ці мэтазгодна.
Я разглядаю падобныя публікацыі як элемент ціску на Украіну. Маўляў, глядзіце, якія ёсць максімальныя патрабаванні з боку Расеі.
- Відаць, што гэтыя перамовы заходзяць у нявыкрутку. Ці можа быць нейкая жорсткая рэакцыя з боку ЗША? Калі не ў практычным, то ў вербальным плане - нейкая заява аб зрыве перамоў з боку Расеі?
- Складана сказаць, пакуль што Трамп і яго адміністрацыя настроеныя на тое, каб як мага хутчэй дабіцца якіх-небудзь дамоўленасцяў. Незалежна ад іх кошту. Пакуль пазіцыя іх такая.
Яны пакуль што наўрад ці будуць гатовы рабіць якія-небудзь заявы, якія можна будзе трактаваць як нейкі дэмарш.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
