Зяленскі пра дамоўленасці ў Эр-Рыядзе: Расейцам веры няма

Але, паводле ягоных словаў, украінскія ўлады будуць канструктыўнымі.

Прэзідэнт Украіны Уладзімір Зяленскі паведаміў, што эмбарга на ўдары па энэргетычнай інфраструктуры і цішыня ў Чорным моры, пра якія дамовіліся ўкраінская, амерыканская і расейская дэлегацыі ў Саудаўскай Аравіі, могуць пачаць дзейнічаць адразу пасля абнародавання заяваў з боку Белага дому.

Пра гэта прэзідэнт сказаў у аўторак, 25 сакавіка, на сустрэчы з журналістамі, паведамляе «Суспільне».

«Міністр абароны [Рустэм] Умераў спытаў амерыканскі бок, калі дамоўленасці могуць пачаць дзеянне. І яны (амерыканская дэлегацыя – рэд.) мяркуюць, што адразу пасля таго, як ЗША афіцыйна выйдуць з заявамі, можа быць імплементацыя. Так, тут расейцам веры няма. Але мы будзем канструктыўнымі», – падкрэсліў Зяленскі.

Паводле ягоных словаў, наступны раўнд перамоваў можа адбыцца ў найбліжэйшы час, зрэшты прэзідэнт не ўдакладніў, якіх пытанняў ён будзе датычыцца.

Белы дом у аўторак апублікаваў заяву паводле вынікаў трохдзённых перамоваў з краінай-агрэсаркай Расеяй і Украінай у Саудаўскай Аравіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com