Беларускія чыноўнікі прыняліся шукаць рэдказямельныя металы

Аднак у геолагаў ёсць сумневы.

На тэрыторыі Беларусі "ёсць перспектывы выяўлення радовішча з утрыманнем рэдказямельных металаў і элементаў", заявіў намеснік міністра прыродных рэсурсаў і аховы навакольнага асяроддзя Віктар Галанаў 25 сакавіка ў Маскве на галіновай канферэнцыі "Рэдкія і рэдказямельныя металы".

Адзначым, што 9 сакавіка ў эфіры дзяржаўнай ТВ намеснік генеральнага дырэктара Навукова-вытворчага цэнтра (НПЦ) у геалогіі Васіль Колб заявіў, што ў Беларусі ёсць шэраг рэдказямельных металаў і элементаў і каб пачаць іх здабычу, неабходна правесці комплекс геолагавыведвальных работ для вызначэння глыбіні залягання запасаў.

Паводле ягоных слоў, навукоўцам трэба таксама вызначыцца з тэхналогіяй вымання гэтых элементаў.

“У Беларусі няма такога досведу. Адназначна нам давядзецца вывучаць сусветныя тэхналогіі, звяртацца да профільных інстытутаў Расейскай Федэрацыі, а потым ужо будзем глядзець, эканамічна наогул рэнтабельна, ці мэтазгодна далей праводзіць дэталёва работы і потым ужо гаварыць аб пытаннях здабывання, здабычы”, - адзначыў Колб.

Рэдказямельныя металы і элементы, малібдэн і тулій, на тэрыторыі Беларусі былі выяўлены ў савецкі час.

“Гэтыя элементы і металы залягаюць, па нашых мерках, на дастаткова вялікай глыбіні, 200-250 метраў. Але казаць пра прамысловыя маштабы мы пакуль не можам”, - паведаміў прадстаўнік НПЦ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com