Генеральны сакратар NATO папярэдзіў Пуціна

Марк Рутэ паабяцаў кіраўніку Крамля «знішчальны адказ».

Генеральны сакратар NATO Марк Рутэ адназначна выказаўся наконт таго, як Альянс будзе паводзіць сябе ў выпадку магчымага нападу на Польшчу ці іншую дзяржаву-чальца блока.

Як паведамляе «Еўрапейская праўда», пра гэта Рутэ сказаў у сераду на супольнай прэс-канферэнцыі з польскім прэм'ерам Дональдам Тускам падчас візіту ў Варшаву.

Генеральны сакратар Альянсу падкрэсліў, што на моры, у паветры і на зямлі Польшча з'яўляецца жыццёва важным удзельнікам калектыўнай абароны NATO.

«Калі гаворка ідзе пра абарону Польшчы і агульную абарону тэрыторыі NATO, калі нехта пралічыцца і падумае, што яму сыдзе з рук напад на Польшчу ці на любога іншага сябра Альянсу, ён сустрэнецца з усёй сілай гэтага жорсткага Альянсу. Наша рэакцыя будзе зруйнавальнай», - заявіў Рутэ.

Ён дадаў, што гэта павінна быць «вельмі зразумела Уладзіміру Уладзіміравічу Пуціну і кожнаму іншаму, хто захоча напасці на нас».

Рутэ падкрэсліў, што трансатлантычнае партнёрства застаецца асновай Альянсу, і гэта не зменіцца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com