Зяленскі: Пуцін хутка памрэ - гэта факт
17- 27.03.2025, 8:06
- 29,654
Прэзідэнт Украіны расказаў пра страхі кіраўніка Крамля.
Прэзідэнт Украіны Уладзімір Зяленскі мяркуе, што кіраўнік Крамля Уладзімір Пуцін больш за ўсё баіцца страціць сваю сілу, аднак гэта непазбежна адбудзецца праз смерць дыктатара.
Пра гэта ён заявіў у інтэрв'ю Eurovision News.
Адказваючы на пытанне журналіста аб тым, чаго найбольш баіцца Пуцін, Зяленскі вылучыў тры рэчы. На ягоную думку, расейскі дыктатар найперш баіцца свайго грамадства.
«Дэстабілізацыя ягонага грамадства - гэта тое, чаго ён баіцца. Але ніхто не зможа на гэта паўплываць - ён сам на гэта паўплывае. Ягоная эканоміка паўплывае, санкцыйная палітыка будзе ўплываць. Тое, што ён не кантралюе і не абараняе ўсе свае тэрыторыі», - адзначыў прэзідэнт Украіны.
Ён дадаў, што на гэты страх Пуціна могуць паўплываць заходнія партнёры Украіны, калі будуць моцнымі і захочуць прадэманстраваць свае рэальныя сілы.
«І калі яны будуць ціснуць на Пуціна, у яго будзе дэстабілізацыя грамадства, ён будзе баяцца гэтага», - дадаў Зяленскі.
Другое, чаго баіцца дыктатар, паводле слоў Зяленскага, - гэта страціць сваю сілу.
«Гэта таксама і ад стабільнасці грамадства залежыць, але залежыць і ад ягоных гадоў. Ён памрэ хутка, гэта факт, - і ўсё скончыцца. Гэта значыць яго пытанне ён можа скончыць да таго, як скончыць сваё абсалютна бяспечнае і няўдалае гістарычнае жыццё. Вось чаго ён баіцца», - заявіў прэзідэнт Украіны.
А трэці самы вялікі страх Пуціна, на думку Зяленскага, - сам-насам застацца.
«Усё ж ізаляваць Пуціна з пункту гледжання палітыкі не ўдалося да канца... І вельмі важна, каб ЗША не дапамагалі яму выходзіць з ізаляцыі, таму што гэта небяспечна», - рэзюмаваў украінскі прэзідэнт.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
