Памерла народная артыстка Беларусі Клара Малышава

Ёй было 89 год.

Балерына, народная артыстка Беларусі Клара Малышава памерла ў чацвер, 27 сакавіка. Ёй было 89 год. Як піша «Зеркало», пра гэта ў сацыяльных сетках паведаміў Нацыянальны тэатр оперы і балета Беларусі.

Клара Малышава нарадзілася ў снежні 1935 года ў Расеі. Скончыла Пермскую харэаграфічную вучэльню, танчыла ў тэатрах оперы і балета Ніжняга Ноўгарада і Чэлябінска.

У 1965–1977 гадах Малышава была вядучай салісткай балетнай трупы Тэатра оперы і балета Беларусі. Сярод самых яркіх партый — Кітры ў «Дон Кіхоце» Мінкуса, Джулія і Неўзіра ў «Альпійскай баладзе» і «Выбранніцы» Глебава, Доўрская дзяўчына ў «Пер Гюнтэ» на музыку Грыга.

Пасля заканчэння кар'еры стала педагогам класічнага танца Менскай харэаграфічнай вучэльні, у тым ліку ў 1977–1992 гадах з'яўлялася яго мастацкім кіраўніком.

З 1980-х гадоў Малышава вяла майстар-класы ў Японіі. Яна стала першай жанчынай у гісторыі гэтай краіны, узнагароджанай Ордэнам Узыходзячага сонца.

Клара Малышава - прадстаўніца знакамітай беларускай балетнай сям'і. Ейным мужам быў рэжысёр і харэограф Атар Дадзішкіліяні, дачка Натэла Дадзішкіліяні і сын Дзяніс Дадзішкіліяні таксама танчылі ў трупе менскага Вялікага тэатра.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com