Макрон анансаваў франка-брытанскую місію ва Украіне

Таксама прэзідэнт Францыі прапанаваў накіраваць ва Украіну «войскі для падстрахоўкі» некалькіх краін-чальцоў ЕЗ.

Лідары амаль 30 краін, прадстаўнікі кіраўніцтва NATO і ЕЗ сабраліся ў французскай сталіцы, каб абмеркаваць павелічэнне дапамогі Кіеву і размяшчэнне еўрапейскіх міратворчых сіл для забеспячэння доўгатэрміновага міру.

“Еўропа ведае, як абараніць сябе. Мы павінны гэта давесці», - заявіў украінскі прэзідэнт Уладзімір Зяленскі сваім еўрапейскім хаўруснікам. Яны сабраліся ў чацвер у Парыжы, каб вызначыць, як умацаваць пазіцыі Украіны, якая дамагаецца спынення агню ў вайне з Расеяй.

Прэзідэнт Францыі Эмануэль Макрон прыняў у Елісейскім палацы лідараў амаль 30 краін, а таксама кіраўнікоў NATO і ЕЗ. Удзельнікі саміту вывучылі прапановы аб размяшчэнні міратворцаў ва Украіне і варыянты мірнага пагаднення і сфармавалі «кааліцыю ахвочых».

Як заяўлялася напярэдадні, адна з мэт саміту - закласці аснову для будучага гарантавання бяспекі Украіны ў доўгатэрміновай перспектыве як першай лініі абароны супраць усякай агрэсіі на фоне расту пагрозы з боку Расеі.

Высілкі па стварэнні кааліцыі краін, гатовых дапамагчы Кіеву, узначальваюць Францыя і Вялікай Брытанія.

Кантынгент «для падстрахоўкі»

Ужо пасля заканчэння саміту Макрон абвясціў, што абедзве краіны дправяць ва Украінуа свой кантынгент у найбліжэйшыя дні.

«Франка-брытанская місія, з яго слоў, будзе рэалізоўвацца» ў цесным супрацоўніцтве з Кіевам» з тым, каб «падрыхтаваць украінскае войска, вызначыць яго фармат з пункту гледжання памеру, колькасці жаўнераў, тыпу ўзбраенняў. Гэта дазволіць нам лепш працаваць над планаваннем, каб вывесці Украіну на пярэдні план».

Акрамя таго, Макрон прапанаваў накіраваць ва Украіну «войскі для падстрахоўкі» некалькіх краін-сябраў ЕЗ. Пры гэтым ён удакладніў, што гэта будуць не міратворчыя сілы, а «сілы стрымлівання ў дачыненні да патэнцыйнай расейскай агрэсіі», якіх размесцяць не на лініі судакранання, а ў «стратэгічных месцах» ва ўкраінскім тыле.

Падчас выступу на прэс-канферэнцыі ён таксама вітаў «выхад Еўропы з катэгорыі геапалітычнай меншасці» ў стаўленні да Злучаных Штатаў. Яны, паводле слоў прэзідэнта Францыі, застаюцца «надзейным хаўруснікам», які з пачатку вайны вельмі актыўна дапамагаў Украіне. Але ў Еўропы і ЗША «розныя інтарэсы», і еўрапейцы «павінны дзейнічаць самастойна», асабліва ў тым, што датычыцца бяспекі, падкрэсліў кіраўнік Рэспублікі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com