ЗША адпрэчылі патрабаванне Пуціна аб увядзенні вонкавага кіравання ва Украіне

Улада ва Украіне вызначаецца яе канстытуцыяй і народам.

Белы дом не пагадзіўся з прапановай Уладзіміра Пуціна аб увядзенні часовага кіравання ва Украіне пад эгідай ААН і заходніх краін. Гэты план, на думку Пуціна, павінен быў бы забяспечыць правядзенне выбараў і прывесці да ўлады ўрад, які карыстаўся б даверам насельніцтва. Аднак прадстаўнік Рады нацыянальнай бяспекі ЗША ў каментары Reuters падкрэсліў, што «ўлада ва Украіне вызначаецца яе канстытуцыяй і народам». Такім чынам, ідэя «часовага кіравання» была адхіленая, паведамляе The Moscow Times.

Між тым, прэс-сакратар прэзідэнта РФ Дзмітры Пяскоў заявіў, што Пуцін не абмяркоўваў гэтае пытанне з прэзідэнтам ЗША Дональдам Трампам. «Падчас тэлефонных размоў, аб якіх мы вам паведамлялі, гэтая тэма не закраналася», – адказаў ён на адпаведнае пытанне ТАСС. Пяскоў удакладніў, што прапанова Пуціна носіць толькі «гіпатэтычны» характар.

Раней Уладзімір Пуцін заявіў, што ўвядзенне часовага міжнароднага кіравання магло б садзейнічаць падпісанню мірнай дамовы паміж Украінай і Расеяй. «Можна было б пад эгідай ААН, ЗША, з еўрапейскімі краінамі, зразумела, з нашымі партнёрамі і сябрамі абмеркаваць магчымасць увядзення ва Украіне часовага кіравання. Для таго, каб правесці дэмакратычныя выбары», - заявіў ён падчас візіту на атамны падводны крэйсер «Архангельск».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com