У Менску з'явіліся новыя вуліцы

Іх назвы ўжо зацверджаныя.

Пастанова прысвоіць назвы некаторым з новых вуліц сталіцы прынятая на 10-й чарговай сесіі Менскага гарадскога «савета» «дэпутатаў» 28 сакавіка, паведамляюць «Минск-Новости».

Начальніца ўправы культуры Менгарвыканкама Кацярына Лучына адзначыла, што заўвагі і іншыя прапановы ад жыхароў горада нібыта не паступалі.

Некалькі вуліц на тэрыторыі будучага комплексу жылой забудовы «Утульны» ў Сцяпянцы стануць насіць імёны архітэктараў, якія ў розныя гады «зрабілі ўнёсак у развіццё сталіцы».

Так, праектаваная вуліца №1 атрымала імя ганаровага грамадзяніна Менска галоўнага архітэктара сталіцы ў 1974–2002 гг., аўтара такіх будынкаў, як Дом літаратара і інжынерны корпус метрапалітэна, Юрыя Грыгор'ева.

Праектаваная вуліца №2 будзе насіць імя галоўнага архітэктара «Менскпраекта» ў 1954—1984 гг., удзельніцы распрацоўкі некалькіх генеральных планаў развіцця сталіцы Людмілы Гафо.

Праектаванай вуліцы №3 прысвоілі імя аднаго са стваральнікаў пасляваеннай планіроўкі Менска, архітэктара, акадэміка АН БССР Міхаіла Паруснікава.

Праектаваная вуліца №4 стане насіць імя галоўнага архітэктара пасляваеннага Менска (1947—1960 гг.) Льва Мацкевіча, аўтара праектаў забудовы пл. Леніна (цяпер - Незалежнасці) і пл. Я. Коласа.

Праектаваная вуліца №5 атрымала імя заслужанага архітэктара Беларусі Віктара Анікіна, які распрацаваў праект добраўпарадкавання пл. Леніна (Незалежнасці) і праект рэканструкцыі батанічнага сада.

Таксама імя ўласнае прысвоенае скверу ў межах вул. Кальварыйскай - Максіма Танка - Ціміразева. Ён будзе называцца «Сквер 80-годдзя Перамогі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com