Заходнія войскі для Украіны: Зяленскі заявіў пра тэрміновую сустрэчу прадстаўнікоў генштабоў

Пасля вайскоўцаў сустрэнуцца дарадцы ў пытаннях нацыянальнай бяспекі.

Прадстаўнікі генеральных штабоў Украіны і дзяржаваў-партнёрак будуць сустракацца ў вузкім коле датычна размяшчэння ваенных кантынгентаў ва Украіне пасля заканчэння вайны. Пра гэта паводле вынікаў сустрэчы «кааліцыі ахвотных» у Парыжы паведаміў прэзідэнт Украіны Уладзімір Зяленскі падчас брыфінгу.

– Мы дамовіліся тэрмінова, на гэта даем тыдзень, правесці сустрэчу ва Украіне ў вузкім коле прадстаўнікоў генштабоў асноўных краінаў, якія цалкам будуць гатовыя да [размяшчэння свайго ваеннага] кантынгенту на тэрыторыі Украіны... Не ўсе яны прыедуць, мы запрашаем вузкае кола, – расказаў кіраўнік украінскай дзяржавы.

Паводле словаў Зяленскага, на сустрэчы дакладна будуць прадстаўнікі Украіны, Францыі і Брытаніі: «Гэта, скажам так, такі трыкутнік у гэтым пытанні».

«Мы пакажам нашу інфраструктуру, папрацуем з партнёрамі, прапрацуем нашу агульную візію», – растлумачыў украінскі лідар.

Таксама, дадаў прэзідэнт Украіны, бакі дамовіліся, што адразу пасля гэтага адбудзецца сустрэча на ўзроўні дарадцаў у пытаннях нацыянальнай бяспекі і прадоўжыцца «менавіта гэтая выніковая сустрэча пра гарантыі бяспекі».

Ва Украіне юрыдычна няма пасады такога дарадцы, але фактычна гэтыя функцыі выконвае кіраўнік Офіса прэзідэнта Украіны Андрэй Ярмак.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com