Трамп пачаў нешта падазраваць

Пахвалы на адрас Пуціна, якія не апраўдалі сябе, скончыліся.

Так ці інакш, мараторый ад 18 сакавіка (ад 25 сакавіка ў версіі Украіны) на паветраныя ўдары па інфраструктуры не проста парушаецца, а фактычна не дзейнічае.

Зяленскі напярэдадні ўжо запатрабаваў ад ЗША рэакцыі на бесперапынныя ўдары УС РФ па Украіне.

Прэс-Пяскоў жа наогул заявіў сёння, што РФ «пакідае за сабой права не выконваць мараторый на абстрэлы энэргетыкі, які стала парушаецца Кіевам». Маўляў, расейскае войска выконвае загад Пуціна і такія ўдары нібы не наносіць.

Сёння расейскія СМІ заявілі аб удары УСУ па газавымяральнай станцыі «Суджа». Але Генштаб УСУ абвінавачванні адпрэчыў, усклаўшы адказнасць на УС РФ. А Цэнтр супрацьдзеяння дэзінфармацыі пры Радзе нацбяспекі і абароны Украіны таксама заявіў, што заявы РФ аб ударах па яе энэргетычных аб'ектах з'яўляюцца хлуснёй. І прывёў у адказ паведамленне кампаніі «Нафтагаз Украіны» аб тым, што ў ноч на пятніцу расейцы абстралялі яе аб'екты.

Пагадненне па спыненні агню ў Чорным моры, відавочна, таксама так і застанецца на паперы і нават без фармальных подпісаў.

Масква чарговы раз, зараз і словамі Пяскова, паўтарае свае патрабаванні па зняцці часткі заходніх санкцый, якія раней абяцалі абдумаць у Вашынгтоне, але ўжо публічна паспелі адхіліць у ЕЗ. Наадварот, там прыступілі да падрыхтоўкі 17-га пакета антырасейскіх санкцый. Кіраўніца Еўракамісіі Урсула фон дэр Ляен паабяцала сёння не здымаць санкцыі з Расеі, заявіўшы, што менавіта Украіна ў выніку вызначыць, што з'яўляецца для яе справядлівым і трывалым мірам.

Са слоў «вусоў Крамля», зняцце санкцый з Рассельгасбанка з'яўляецца неад'емнай часткай чарнаморскай ініцыятывы, гэтае патрабаванне вядомае на Захадзе, навізны ў ім няма. Пры гэтым, калі Еўропа не хоча ісці шляхам аслаблення санкцый у межах чарнаморскай ініцыятывы, гэта значыць, што яна не хоча ісці шляхам міру.

Учора Пуцін зноў доўга публічна ганіў Украіну, заяўляў, што ў яго «ўсё ідзе паводле плана» і ён «дацісне УСУ», што ў Кіеве размаўляць і штосьці падпісваць няма з кім, бо, маўляў, заўтра ўлада можа змяніцца. А сёння Пяскоў падхапіў, заявіўшы, што «нацыяналістычныя падраздзяленні ва Украіне, такія як «Азоў» (забаронены ў Расеі), набіраюць сілу, маюць усё большы ўплыў». А «невыкананне мараторыя з боку УСУ кажа аб тэндэнцыі да страты кантролю над войскам з боку кіраўніцтва Украіны».

Мабыць, хочуць, каб размовы пра ўсюдыісных «укранацыстаў» Дональд і яго каманда падхапілі і пачалі рэтрансляваць гэтак жа, як і іншыя крамлёўскія ўкідванні, мэта якіх паказаць, што гэта Кіеў не хоча міру? Ну і Еўропа, якая яго падтрымлівае, само сабой.

Такі вось адказ Трампу, які пачаў нешта падазраваць, заявіўшы, што гэта Масква «магчыма марудзіць» у падпісанні замірэння, вытаргоўваючы сабе новыя ўмовы.

Расея і Украіна ўсё мацней цярэбяць амерыканскага «пасярэдніка-міратворца» за абодва рукавы. Але той у асноўным альбо маўчыць, альбо нясе аптымістычную ахінею пра прасоўванне перамоў (наезды на Зяленскага і пахвалы, якія не апраўдалі сябе, на адрас Пуціна скончыліся).

Асяроддзе ўжо робіць стаўкі, колькі яшчэ амерыканскі «голуб міру» будзе пырхаць паміж дронамі і ракетамі, працягваючы ўдаваць ідыёта, перш чым прызнае відавочнае - ён сам сябе загнаў у тупік ні чым не падмацаванымі, акрамя яго разадзьмутага альтэрэга, пустымі абяцаннямі хуткага прыпынення вайны.

«СерпомПо»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com