Лукашэнка нарываецца на канфлікт з новым канцлерам Нямеччыны

Тысячы мігрантаў з Беларусі аказваюцца ў ФРГ.

Тысячы мігрантаў, якія трапляюць у ЕЗ праз беларуска-польскую мяжу, у канчатковым выніку аказваюцца ў Нямеччыне. Пра гэта сведчаць апошнія звесткі Федэральнай паліцыі ФРГ, атрыманыя Bild.

Так, за апошнія 14 месяцаў у Нямеччыну праз Беларусь і Польшчу праніклі 4957 мігрантаў. Большасць з іх (амаль 3700 чалавек) - выхадцы з Афганістана, Сірыі, Самалі, Ірана і Індыі.

Нагадаем, Нямеччына прагаласавала за змену ўрада. На датэрміновых выбарах у бундэстаг, якія адбыліся ў нядзелю, 23 лютага, перамог апазіцыйны кансерватыўны блок ХДС/ХСС, набраўшы 28,5 працэнта галасоў.

Канцлерам Нямеччыны стане кіраўнік партыі Фрыдрых Мерц.

У часе перадвыбарчай кампаніі палітык зрабіў некалькі заяў, якія будуць мець наступствы для Беларусі.

Мерц абяцае ў першы дзень на пасадзе канцлера закрыць шлях у Нямеччыну для нелегальных мігрантаў, якіх пазбавяць магчымасці падаць прашэнне на атрыманне прытулку.

«Брама ў Нямеччыну ў найбліжэйшай будучыні зачыніцца, а значыць і плынь нелегалаў, якія спрабуюць заскочыць у «апошні вагон», узрасце. І тут рашэнне за Лукашэнкам: стрымліваючы нелегальную міграцыю, ён можа зрабіць крок у бок паляпшэння дачыненняў з ЕЗ; садзейнічаючы нелегальнай міграцыі, ён нажыве сабе толькі дадатковых апанентаў у Еўропе», - адзначае палітолаг Аляксандр Фрыдман.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com