Навукоўцы знайшлі арганізм, не падобны ні на што жывое

Даследнікі паставілі пад сумнеў устояныя ўяўленні аб старажытным жыцці на Зямлі.

Яны выявілі істоту, якую не ўдаецца аднесці ні да адной вядомай групы арганізмаў. Гаворка ідзе аб прататаксітах - гіганцкіх структурах вышынёй да васьмі метраў, якія жылі на планеце амаль 400 млн гадоў таму, піша «Хайтек».

Гісторыя вывучэння гэтых закамянеласцяў пачалася яшчэ ў XIX стагоддзі. Іх па чарзе адносілі да старажытных дрэў, грыбоў і нават багавіння. Аднак новае даследаванне каманды з Эдынбургскага ўніверсітэта, заснаванае на мікраскапічным і хімічным аналізе ўзораў, паставіла пад сумнеў усе папярэднія гіпотэзы.

«Мы сістэматычна выключылі ўсе магчымыя варыянты класіфікацыі, - пішуць аўтары працы. - Прататаксіты не адпавядаюць ні грыбам, ні раслінам, ні іншым вядомым эукарыётам. Іх клеткавая структура і біяхімія паказваюць на вымерлую галіну жыцця, якая не мае сучасных аналагаў».

На думку даследчыкаў, гэтыя арганізмы маглі быць унікальнай формай эукарыятычнага жыцця, якая існавала ў багністых ландшафтах позняга сілура і дэвона. Іх вежападобныя целы ўзвышаліся над тагачаснай флорай - прымітыўнымі папарацямі і хвашчамі - і выглядалі дзіўна нават па мерках той эпохі.

Застаецца невядомым, якую ролю адыгрывалі прататаксіты ў старажытных экасістэмах. Магчыма, гэта быў няўдалы эвалюцыйны эксперымент, след якога знік у наступных перыядах гісторыі Зямлі. Але само іх існаванне падкрэслівае, наколькі непрадказальны і разнастайны можа быць шлях эвалюцыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com