Ала Пугачова запісала дзве песні пра вайну

Кампазіцыі называюцца «Пацалунак вайны» і «Мама».

Народная артыстка СССР Ала Пугачова запісала дзве новыя песні, паведамляе «Фантанка».

Як піша выданне, у «архіўным пабліку набліжаным да спявачкі», былі апублікаваныя дзве новыя песні: «Пацалунак вайны» і «Мама». Гаворка ідзе пра суполку «Ала Пугачова. Відэаархіў» ва «УКантакце», у апісанні якой гаворыцца, што гэта «галоўная група для прыхільнікаў творчасці» выканаўцы.

Абедзве кампазіцыі былі апублікаваныя ў ноч на 29 сакавіка, але неўзабаве зніклі з супольнасці. Адпаведныя публікацыі цяпер суправаджаюцца наступным тэкстам:

«Песня выдаленая да афіцыйнага рэлізу. Сачыце за анонсамі».

Калі плануецца рэліз гэтых кампазіцый, не ўдакладняецца. На музычных анлайн-сэрвісах яны недаступныя для праслухоўвання.

Ала Пугачова і яе муж, гумарыст Максім Галкін пакінулі Расею пасля пачатку вайны РФ ва Украіне ў 2022 годзе. Муж спявачкі асудзіў баявыя дзеянні ва Украіне, пасля чаго быў уключаны ў рэестр замежных агентаў. Артыстка пасля гэтага публічна папрасіла прызнаць яе іншаагенткай, растлумачыўшы, што салідарная з мужам.

Уключыць Пугачову ў рэестр Мінюста неаднаразова заклікалі ў Дзярждуме РФ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com