NYT: У ЗША здзівіліся, калі Украіна патапіла крэйсер «Масква»

Амерыканцаў здзівіла, што ў Кіева ёсць ракеты, здольныя дасягнуць карабля.

У ЗША адрэагавалі негатыўна, калі ў красавіку 2022 года ўкраінскія вайскоўцы падбілі флагман Чарнаморскага флоту РФ – крэйсер «Масква». Пра гэта 30 сакавіка піша The New York Times.

Выданне расказвае, што ў сярэдзіне красавіка 2022 года амерыканскія і ўкраінскія ваенна-марскія афіцэры знаходзіліся на звычайным сеансе абмену выведнымі звесткамі, калі на экранах іх радараў з'явіўся нечаканы аб'ект. Паводле словаў былога высокапастаўленага афіцэра ВМС ЗША, амерыканцы сказалі: «О, гэта "Масква"!» Украінцы адказалі: «О, Божа. Вялікі дзякуй. Да пабачэння», піша The New York Times. Неўзабаве крэйсер быў падбіты ракетай.

Патапленне было знакавым трыумфам для Украіны, дэманстрацыяй украінскага майстэрства і расейскай некампетэнтнасці, гаворыцца ў артыкуле. Але гэты эпізод таксама адлюстраваў стан украінска-амерыканскіх стасункаў у першыя тыдні вайны.

Амерыканцы абурыліся, таму што ўкраінцы нават не папярэдзілі пра напад, піша выданне. Таксама яны былі здзіўленыя тым, што ва Украіны ёсць ракеты, здольныя дасягнуць карабля. Акрамя таго, у Белым доме ўзнікла паніка, таму што адміністрацыя тагачаснага прэзідэнта ЗША Джо Байдэна не мела намеру даваць украінцам магчымасць атакаваць такі магутны і сімвалічны для РФ аб'ект, сказана ў публікацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com