Першы касмічны старт у Еўропе закончыўся выбухам ракеты

Ракета ўпала праз паўхвіліны пасля запуску.

Тэставая ракета Spectrum, якая павінна была стаць першай запушчанай ракетай з тэрыторыі кантынентальнай Еўропы, разбілася неўзабаве пасля старту з нарвежскага касмадрома, паведамляе The Guardian.

Ракета ўзляцела з касмадрома Андэя на поўначы Нарвегіі, але ўжо праз некалькі секундаў з яе бакоў пайшоў дым. Неўзабаве яна павалілася на зямлю і ўзарвалася. Увесь палёт трансляваўся ў прамым эфіры на YouTube.

Нямецкі стартап Isar Aerospace з Мюнхена, які стварыў ракету, загадзя папярэджваў, што першы тэст можа скончыцца хуткай няўдачай. Кампанія заявіла, што нават такі кароткі палёт дазволіў сабраць важныя звесткі для далейшай працы.

Spectrum – гэта ракета для вываду на арбіту малых і сярэдніх спадарожнікаў вагой да тоны. У першым палёце яна не несла карыснай нагрузкі, бо гэта быў тэхнічны тэст. Ракета не мусіла выйсці на арбіту ў гэтай місіі.

Гэта была першая спроба арбітальнага запуску з тэрыторыі мацерыковай Еўропы (не беручы да ўвагі Расеі). Некалькі еўрапейскіх краінаў, уключаючы Швэцыю і Вялікую Брытанію, імкнуцца заняць сваю нішу на рынку камерцыйных касмічных запускаў, які расце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com