«Барселона» з дублем Левандоўскага разграміла «Жырону» ў каталонскім дэрбі
- 30.03.2025, 20:22
- 1,818
«Сіне-гранатавыя» ўмацавалі свае пазіцыі на вяршыні турнірнай табліцы чэмпіянату Гішпаніі.
У нядзелю, 30 сакавіка, «Барселона» прымала «Жырону» ў рамках 29-га тура гішпанскай Ла Лігі.
Каманда Ханса-Дзітэра Фліка атрымала пераканальную перамогу ў каталонскім дэрбі, разграміўшы спаборніка з лікам 4:1, і захавала адрыў ад «Рэала» на вяршыні турнірнай табліцы.
«Барселона» павяла ў супрацьстаянні перад перапынкам дзякуючы аўтаголу Ладзіслава Крэйчы, які зрэзаў мяч ва ўласную браму. Тым не менш у пачатку другога тайму «Жырона» адгулялася намаганнямі Арно Данжума.
Аднак пасля гадзіны гульні Роберт Левандоўскі зноў вывеў гаспадароў поля наперад, прабіўшы ў падзенні пасля скідкі ў брамніцкую, а на 77-й хвіліне польскі форвард аформіў дубль, закончыўшы контратаку ўдарам нізам у далёкі правы кут.
Пад канец сустрэчы вынік да разгромнага давёў Феран Торэс.
«Барселона» на гэты момант у лідарах у чэмпіянаце з 66 баламі, апярэджваючы «Рэал» на тры балы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
