Трамп цікавіўся ў прэзідэнта Фінляндыі, ці можна давяраць Пуціну

Што адказаў Аляксандр Стуб.

Падчас сямігадзіннай сустрэчы прэзідэнта Фінляндыі Аляксандра Стуба з прэзідэнтам ЗША Дональдам Трампам у Флорыдзе ў суботу амерыканскі прэзідэнт цікавіўся ў фінскага калегі, ці можна давяраць дыктатару РФ Уладзіміру Пуціну.

Пра гэта Стуб расказаў на прэс-канферэнцыі ў Лондане ў нядзелю, яго цытуе фінскі вяшчальнік Yle.

Стуб падзяліўся, што сустрэча з прэзідэнтам ЗША была карыснай, і яны абмеркавалі дзве тэмы – двухбаковыя стасункі паміж Фінляндыяй і Злучанымі Штатамі і захопніцкую вайну Расеі супраць Украіны.

Прэзідэнт Фінляндыі расказаў, што перадаў Трампу моцную падтрымку Фінляндыяй і Еўропай Украіны ў вайне супраць Расеі, і адзначыў, што ў гэтай вайне «быў толькі адзін ініцыятар».

Паводле словаў Стуба, Трамп спытаўся ў яго, ці можна давяраць Пуціну. «Я адказаў, што не», – падзяліўся фінскі прэзідэнт.

На ягоную думку, пасля ягоных зносінаў з Дональдам Трампам «стасункі паміж Фінляндыяй і ЗША, безумоўна, зрабілі яшчэ адзін крок наперад».

Пасля паездкі ў Флорыду Стуб таксама паведаміў, што ЗША распрацоўваюць санкцыі супраць Расеі, калі яна адмовіцца спыніць агонь ва Украіне або парушыць рэжым цішыні.

На сустрэчы ў маёнтку прэзідэнта ЗША ў Мар-а-Лага ў суботу Стуб і Трамп, сярод іншага, гулялі ў гольф.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com