У Італіі падазраюць РФ у запуску дронаў над аб'ектам ЕЗ

Беспілотнік некалькі разоў пралятаў над Аб'яднаным даследчым цэнтрам Еўракамісіі ў Іспрэ.

Меркаваны расейскі беспілотнік (БПЛА) некалькі разоў пралятаў над Аб'яднаным даследчым цэнтрам (JRC) Еўракамісіі, размешчаным у Іспрэ на возеры Маджорэ на поўначы Італіі. Пра гэта ў нядзелю, 30 сакавіка, паведамілі газета Corriere della Sera і італьянскае інфармацыйнае агенцтва ANSA са спасылкай на ўласныя інфармаваныя крыніцы.

Паводле звестак ANSA, пракуратура найбліжэйшага Мілана вядзе папярэдняе расследаванне, а 31 сакавіка будзе пачатае афіцыйнае следства паводле падазрэння ў шпіянажы. Весці яго трэба будзе падраздзяленню супрацьдзеяння тэрарызму.

Як піша Corriere della Sera, цягам сакавіка дроны не менш за пяць разоў праляталі над аб'ектам.

JRC у Іспрэ быў заснаваны ў 1960 годзе і першапачаткова працаваў як даследчы ядзерны цэнтр. Гэта трэці ў велічыні аб'ект Еўракамісіі пасля іншых цэнтраў у Брусэлі і Люксембургу. Яго супрацоўнікі працуюць, сярод іншага, над нераспаўсюджаннем і ядзернай бяспекай, транспартнымі праектамі і пытаннямі, звязанымі са змяненнем клімату.

У цяперашні час у JRC вядзецца даследчы праект вывучэння аспектаў бяспекі беспілотнікаў, паведамляе агенцтва dpa.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com