У красавіку беларускіх кіроўцаў чакаюць змены

Тры галоўныя новаўвядзенні.

У Беларусі на працягу красавіка для кіроўцаў увядуць некалькі змен. Яны ў тым ліку тычацца страховак і тэхагляду. “Зеркало” склала падборку такіх навін.

Змяненні ў страхоўках

З 23 красавіка запрацуюць новаўвядзенні ў страхаванні. Так, чыноўнікі зацвердзілі дамову абавязковага страхавання цывільнай адказнасці ўладальнікаў транспартных сродкаў, якая будзе дзейнічаць у Беларусі і Расеі.

Сума залежыць ад працоўнага аб'ёму рухавіка. Напрыклад, для аўтамабіляў з аб'ёмам ад 1800 да 2500 см³ страхоўка на 15 дзён каштавацьме 1,57 базавай адзінкі (65,94 рубля), а на год - 3,88 (162,96 рубля). Гэта значыць саюзная страхоўка агулам больш выгадная за "сінюю карту" для тых, хто часта ездзіць у Расею.

Яшчэ адна навіна датычыцца "сініх карт", якія беларускія кіроўцы могуць выкарыстоўваць для паездак у Расею (як і жыхары гэтай краіны для таго, каб прыехаць да нас). Кошт гэтых страховак разлічваецца ў еўрах. Але з 23 красавіка іх прывяжуць да базавай адзінкі, якая зараз складае 42 рублі. Напрыклад, страхоўка на легкавы аўтамабіль на адзін месяц каштавацьме 68,68 рубля (такой будзе сума, калі запрацуюць змены — праз месяц пасля афіцыйнага апублікавання, гэта значыць у 20-х днях красавіка). Зараз жа тарыф на месяц - 19 еўраў.

Новаўвядзенне пры тэхаглядзе

З 11 красавіка з'явяцца змены пры тэхаглядзе, гэта прадугледжана пастановай Мінтранса. Так, тэрмін дзеяння дазволаў на допуск да ўдзелу ў дарожным руху, якія выдаюцца "Белтэхаглядам" для таксі, маршрутак і аўтобусаў, прывязалі да года выпуску транспартнага сродку.

Гэтым дакументам таксама ўвялі змену і для легкавых аўтамабіляў. У ёй пазначана, што для легкавікоў, грузавых аўтамабіляў і прычэпаў з дазволенай максімальнай масай да 3,5 т, квадрацыклаў, матацыклаў і мапедаў, з года выпуску якіх прайшло менш за тры гады, дазволы на допуск да ўдзелу ў дарожным руху будуць выдавацца на тры гады.

Змяненне для кіроўцаў грамадскага транспарту

З 1 красавіка ўвядуць новаўвядзенні ў рэжым працы і адпачынку кіроўцаў, якія выконваюць унутрырэспубліканскія аўтамабільныя перавозкі, а таксама тых, хто кіруе тралейбусамі і трамваямі.

Чыноўнікі прапісалі, што ўключаецца ў працоўны час такіх працаўнікоў. Яшчэ яны далі больш дакладнае вызначэнне, калі мае месца час прастояў не з віны кіроўцы на працягу працоўнага дня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com