Вікторыя Азаранка імкліва падае ў рэйтынгу

Былая першая ракетка з Беларусі перамясцілася на 47-е месца.

Беларуска Вікторыя Азаранка ў абноўленым рэйтынгу Жаночай тэніснай асацыяцыі (WTA) перамясцілася на 47-е месца, піша «Зеркало».

Былая першая ракетка Азаранка страціла адразу 15 пазіцый у параўнанні з папярэдняй версіяй рэйтынгу. Усяму віной выступ на турніры ў Маямі. Яна прайшла першае кола, перамогшы ўкраінку Ангеліну Калініну (тая пасля матчу адмовілася ад поціску рукі з беларускай), а ў наступным раўндзе ў пачатку другога сэта знялася праз пашкоджанне пляча.

Зрэшты, увесь 2025 год складаецца для Вікторыі не лепшым чынам. Яна скончыла мінулы год 20-ай у рэйтынгу. Але прайшоў шэраг няўдалых турніраў. Беларуска выступала ў Брысбэне і саступіла ў сваім другім матчы. Затым на Адкрытым чэмпіянаце Аўстраліі ў Мэльбурне і спаборніцтвах у горадзе Доха быў вылет ужо ў першым коле. У Дубаі і амерыканскім Індыян-Уэлсе Азаранка саступіла ў другім раўндзе. Пасля гэтага і была няўдача разам з траўмай у Маямі.

У 35-гадовай беларускі няма тытулаў у адзіночным разрадзе са жніўня 2020 года. Мінулы сезон яна датэрмінова скончыла праз праблемы са здароўем у верасні. Але адзначым, што ў топ-50 рэйтынгу няма ніводнай спартоўкі старэйшай за Азаранку.

26-гадовая Арына Сабаленка пасля перамогі ў Маямі ўпэўнена ў лідарах у сусветнай класіфікацыі, яшчэ больш павялічыўшы адрыў ад полькі Ігі Свёнтэк. Трэцяя з беларусак, 31-гадовая Аляксандра Сасновіч, займае 113-ю пазіцыю. Найлепшы сярод мужчын, 32-гадовы Ягор Герасімаў, ідзе толькі 378-м

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com