Асабісты пастар Трампа наведаў Бучу і Ірпень
7- 31.03.2025, 12:54
- 7,454
Духоўны дарадца амерыканскага прэзідэнта асабіста ўбачыў наступствы акупацыі.
Пастар Марк Бэрнс, асабісты духоўны дарадца прэзідэнта ЗША Дональда Трампа, у нядзелю наведаў Бучу, Ірпень і Барадзянку. Як паведаміў у сябе на Facebook галоўны рабін Украіны Моша Асман, Бэрнс наведаў Украіну на ягонае запрашэнні, піша «Люстэрка Тыдня».
«Гэта вядомая ў рэлігійных і палітычных колах ЗША фігура, чый голас сёння важыць у фармаванні новай стратэгіі і палітыкі Амерыкі», - падкрэсліў галоўны рабін Украіны.
Адзначаецца, што Бэрнс асабіста ўбачыў наступствы злачынстваў войска РФ супраць украінскага мірнага насельніцтва, а таксама пачуў успаміны сведак, якія перажылі расейскую акупацыю. Галоўны рабін Украіны ўказаў, што асабістага пастара амерыканскага прэзідэнта глыбока ўразіла ўбачанае, ён не хаваў болі, абурэння і шчырай спагады.
«Я ўпэўнены, што гэтыя эмоцыі і сведчаньні не застануцца асабіста ў яго. Пастар Бэрнс - чалавек, які можа быць пачуты там, дзе прымаюцца вялікія пастановы. І я веру, што голас праўды з Украіны будзе данесены да самага сэрца новага амерыканскага кіраўніцтва», - дадаў рабін.
Акрамя таго, Бэрнс таксама наведаў міжканфесійны рэлігійны форум, на якім прысутнічалі прадстаўнікі рэлігійных канфесій і абшчын, якія працуюць ва Украіне. Паведамляецца, што духоўны дарадца Трампа ўважліва выслухаў кожнага выступоўцу. Таксама галоўны рабін Украіны падзяліўся з ім тым, як украінская габрэйская абшчына перажывае вайну.
Марк Бэрнс падтрымліваў Трамп яшчэ падчас ягонай кампаніі 2016 года і быў сябрам управы арганізацыі «Пастары за Трампа». У 2020 годзе ён сцвярджаў, што рэспубліканец не саступіў на выбарах Байдэну і называў яго сапраўдным пераможцам.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
