Гетман Сырскі назваў важныя дасягненні УСУ ў сакавіку

На некаторых адцінках фронту ўкраінцы прасоўваюцца наперад.

Галоўнымі задачамі УСУ застаюцца ўтрыманне рубяжоў абароны і стабілізацыя сітуацыі на пагрозлівых кірунках фронту. У сакавіку былі дасягнутыя поспехі на Пакроўскім кірунку.

Пра гэта паведаміў у "Фэйсбуку" гетман Узброеных сіл Украіны Аляксандр Сырскі.

“Дзякуючы прынятым кіраўнічым пастановам і ўстойлівасці ўкраінскіх ваяроў гэтую задачу часткова ўдалося выканаць, што тычыцца Пакроўскага кірунку. Тут, у аперацыйнай зоне АТГ “Данецк”, супраціўнік засяроджвае асноўныя наступальныя намаганні, аднак, фактычна буксуе на месцы”, - напісаў Сырскі.

Паводле ягоных слоў, там, дзе гэта магчыма, украінскія войскі выкарыстоўваюць тактыку актыўнай абароны. А на некаторых участках фронту нават рухаюцца наперад, паляпшаючы такім чынам тактычнае становішча. УСУ аднаўляюць дзясяткі пазіцый і скоўваюць значныя сілы супраціўніка.

З пачатку сакавіка, артылерыя Сіл абароны выканала амаль 100 тысяч агнявых задач, аператары дронаў - больш за 81,7 тысячы баявых спецыяльных задач, у тым ліку 158 знішчэнняў сродкамі DeepStrike.

“Падчас нарады заслухаў даклады начальнікаў органаў вайсковай управы ў праблемных пытаннях – камплектаванне падраздзяленняў і аднаўленне іх баяздольнасці, фармаванне новых вайсковых карпусоў, лагістыкі і рамонту вайсковай тэхнікі і таму падобнае. Вызначыў задачы на красавік”, - паведаміў гетман.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com