Кошт золата дасягнуў рэкорднага ўзроўню

Новая хваля інвестыцый у каштоўны метал звязаная з асцярогамі з нагоды мытаў ЗША.

У панядзелак цана золата дасягнула рэкорднага ўзроўню $3 106,50 за ўнцыю.

Асцярогі наконт мыт прэзідэнта ЗША Дональда Трампа і магчымых эканамічных наступстваў у спалучэнні з геапалітычнай нестабільнасцю прывялі да новай хвалі інвестыцый у гэты актыў, піша Reuters.

З пачатку года золата падаражэла больш як на 18%. Раней у гэтым месяцы кошт упершыню перавысіў $3000 за ўнцыю - важную адзнаку, якую экспэрты звязваюць з асцярогамі з нагоды эканамічнай нестабільнасці, геапалітычнай напружанасці і інфляцыі.

Да таго ж, рост кошту золата заахвоціў шэраг банкаў падвысіць свае прагнозы.

У гэтым месяцы Goldman Sachs, Bank of America і UBS павысілі свае мэтавыя кошты золата. Goldman чакае, што да канца года кошт дасягне $3300 за ўнцыю супраць папярэдняга прагнозу на $3100. Bank of America прагназуе $3 063 за ўнцыю ў 2025 годзе і $3 350 у 2026 годзе, што вышэй за яго папярэднія адзнакі на $ 2725 і $ 2625.

З моманту ўступлення на пасаду Трамп прапанаваў планы ўкаранення новых мытаў для абароны амерыканскай прамысловасці і скарачэнні гандлёвага дэфіцыту.

Чакаецца, што 2 красавіка ён абвесціць новы пакет тарыфаў у адказ, піша Reuters.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com