Польскія памежнікі расказалі, калі могуць ануляваць ужо выдадзеную візу

Ёсць некалькі падстаў.

Ужо выдадзеную нацыянальную візу ў Польшчу могуць ануляваць, калі ўсплывуць факты, што яе першапачаткова выдалі памылкова, альбо калі замежнік парушыў правілы ўезду і знаходжанне ў Польшчы. Пра гэта заявіў прадстаўнік галоўнага камандавання польскай Памежнай службы Анджэй Юзвяк у адказ на пытанне тэлеграм-канала Dzik Pic.

Згодна з п. 1 артыкула 90 польскага Закона аб іншаземцах, нацыянальная віза анулюецца, калі пасля яе выдачы ўзніклі абставіны, якія апраўдваюць адмову ў выдачы нацыянальнай візы. Аб такіх абставінах ідзе гаворка ў пп.1 і 3-10 п.1 артыкула 65 гэтага закона.

У законе сказана, што замежніку могуць адмовіць у нацыянальнай візе, калі ён унесены ў рэестр замежнікаў, знаходжанне якіх на тэрыторыі Польшчы з'яўляецца непажаданым, або гэтага патрабуюць меркаванні бяспекі дзяржавы. Таксама адмову можна атрымаць з-за нястачы фінансаў на час знаходжання, адсутнасці медыцынскай страхоўкі ці сумневаў, што заяўленая мэта знаходжання ў Польшчы адпавядае рэальнай.

- Паводле артыкула 91, нацыянальная віза анулюецца, калі на момант яе выдачы меліся акалічнасці, якія апраўдваюць адмову ў яе выдачы, - паведаміў прадстаўнік Памежнай службы Польшчы.

Акрамя таго, калі ў рамках кантролю законнасці знаходжання іншаземцаў на тэрыторыі Польшчы высветліцца, што знаходжанне іншаземца не адпавядае пунктам, якія тычацца ўмоў уезду і знаходжання іншаземцаў на тэрыторыі Польшчы, то прымаюцца службовыя дзеянні, накіраваныя на вынясенне іншаземцу пастаноў аб абавязку да вяртання.

Падставай для вынясення пастаноў аб абавязках замежніка да вяртання з'яўляюцца перадумовы, указаныя ў п. 1 артыкула 302 Закона аб замежніках.

Калі паглядзець на пералічаныя там абставіны, то замежніку могуць уручыць паперу да вяртання, калі, напрыклад, ён знаходзіцца на тэрыторыі Польшчы без дзейнай візы, працуе без дазволу, атрымаў адмову ў ДНЖ/СМЖ/статус уцекача і г.д. Альбо яму прысудзілі пазбаўленне волі ў Польшчы, і ёсць падставы для яго перадачы за мяжу.

- Між тым, паводле пп. 1 п. 1 артыкула 307 гэтага закона, у дзень, калі пастанова аб абавязку замежніка да вяртання становіцца канчатковай, адбываецца ануляванне нацыянальнай візы, спыненне дзеяння дазволу на часовае знаходжанне, а таксама дазволу на працу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com