У Нямеччыне адпрэчылі магчымасць аднаўлення імпарту расейскага газу

ФРГ плануе не аднаўляць пастаўкі газу з РФ нават пасля вайны ва Украіне.

Нямеччына адвыкла ад паставак расейскага газу і не плануе да іх вяртацца, заявіў сустаршыня партыі сацыял-дэмакратаў (СДПГ) Ларс Клінгбайль, яго словы перадае Bloomberg.

Аўтары матэрыялу адзначаюць, што на фоне перамоўнага працэсу што да Украіны з'явіліся «спекуляцыі аб аднаўленні паставак трубаправоднага газу з Расеі», які можа дапамагчы аднаўленню нямецкай эканомікі.

Клінгбайль, якога Bloomberg называе галоўным прэтэндэнтам на пасаду наступнага міністра фінансаў, уважае гэтыя паведамленні неабгрунтаванымі.

Са слоў сустаршыні СДПГ, Нямеччына павінна пазбягаць траплянні ў залежнасць ад імпарту расейскіх энэрганосьбітаў нават пасля заканчэння вайны ва Украіне. Палітык дадаў, што сёння Берлін і Масква далёкія ад нармалізацыі стасункаў праз баявыя дзеянні ва Украіне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com