У Менску не засталося месца для новабудоўляў

Людзям прапануюць набыць жыллё ў Смалявічах і Рудзенску.

У Менску распрацаваны генплан забудовы да 2030-га. Паводле яго кожны год павінны ўзводзіць 600 тысячаў квадратных метраў жылля. Раней гэты паказнік быў большы, адзначыла старшыня камітэта будаўніцтва і інвестыцый Менгарвыканкама Ірына Гантарава, піша часопіс «Эканоміка Беларусі».

Яна дадала, што ў сталіцы ўжо няма свабодных пляцовак. Цяпер асноўная забудова вядзецца на рэканструяваных тэрыторыях, дзе будуць зносіць прыватны сектар, састарэлыя збудаванні.

Жыллё ўзводзяць камунальныя прадпрыемствы. І прызначана яно ў асноўным для тых, хто мае патрэбу ў паляпшэнні жыллёвых умоваў.

«У першую чаргу прыбіраецца трухлявае жыллё. Але і тут мы абмежаваныя наяўнасцю памяшканняў, у якія павінныя перасяліць людзей. Калі раней быў задзел – база з 300–350 кватэраў, і іх пры неабходнасці вылучалі людзям пры зносе трухлявага жылля, то цяпер вымушаныя спецыяльна ствараць так званы падменны фонд на раней вызваленых пляцоўках», – пракаментавала Ірына Гантарова.

Пад рэканструкцыю могуць патрапіць прыватныя сектары ў Лошыцы, на пр. Дзяржынскага, вул. Арлоўскай, Маякоўскага.

Камерцыйным кампаніям з аўкцыёну пляцоўкі пад забудову больш не прадаюць. Яны заканчваюць праекты, якія пачалі 5–10 гадоў таму.

«Камерцыйныя заказчыкі рэалізуюць два буйныя інвестпраекты. Комплекс “Менск Свет”, дзе жыллёвае будаўніцтва практычна закончанае. У пачатку наступнага года там застануцца шматфункцыянальная і адміністрацыйная забудова, офісныя цэнтры. І комплекс “Паўночны бераг”. Ён толькі пачаты, прымеркаваны на 5 млн м2, але ў перспектыве да 2040 года», – удакладніла Ірына Гантарава.

Каб спыніць «дыспрапорцыю развіцця тэрыторый і ператок насельніцтва», актывізуюць забудову ў рэгіёнах.

Таксама ўзводзяць жыллё ў гарадах-спадарожніках сталіцы. У Смалявічах будуюць тры шматпавярховыя дамы. За год там уводзяць у эксплуатацыю 20–25 тыс. м2. Праз некалькі гадоў, магчыма, пачнуць ствараць інжынерную інфраструктуру ў Рудзенску.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com