Чыноўнікі ўзяліся за Ozon

МАРГ выдала загад.

Міністэрства антыманапольнага рэгулявання і гандлю Беларусі выставіла інтэрнэт-краме Ozon (юрыдычная асоба ў краіне — ТАА «ОЗОН Маркет Бел») патрабаванне аб спыненні рэалізацыі забароненай прадукцыі і ліквідацыі парушэнняў заканадаўства аб абароне правоў спажыўцоў. Пра гэта паведамляе прэсавая служба міністэрства.

Як паведамілі там, раней у дачыненні да Ozon ужо двойчы выдаваліся прадпісанні — у 2022 і 2023 гадах. Аднак, паводле вынікаў новай праверкі, на сайце інтэрнэт-крамы зноў выяўленыя парушэнні, у ліку якіх:

прапаноўваюцца да продажу забароненыя тавары (парфума, касметыка ды іншыя) — вырабленыя ў краінах, якія ўвялі санкцыі і "праводзяць непрыязную палітыку ў дачыненні да Беларусі";

на галоўнай старонцы інтэрнэт-крамы няма інфармацыі аб спосабах аплаты тавараў;

няма інфармацыя аб многіх вытворцах тавараў, а таксама аб прадаўцах, гарантыйным тэрміне і краіне паходжання тавараў;

іншыя парушэнні.

За апошнія гады колькасць скаргаў на працу Ozon у Беларусі вырасла: калі ў 2022 годзе іх было 10, то ў 2023 — 24, а ў 2024 — ужо 58. З пачатку гэтага года ў МАРГ і адміністрацыі паступіла 17 зваротаў.

У сувязі з выяўленымі парушэннямі МАРГ абавязала Ozon спыніць рэалізацыю забароненых тавараў і ліквідаваць усе неадпаведнасці ў дзейнасці інтэрнэт-крамы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com