«Змагаўся да апошняга рубля»

У Менску банкруціцца адзін з вядомых вытворцаў мэблі.

У Менску банкруціцца вытворца офіснай і гандлёвай мэблі "Мэбелінк". У кампаніі назапасілася пазык на 2 млн рублёў. Гэта вынікае са звестак Адзінага дзяржаўнага рэестра звестак аб банкруцтве, піша “Зеркало”.

25 лютага ў Эканамічным судзе Менска разгледзелі справу аб банкруцтве кампаніі "Мебелінк", якая працавала пад гандлёвай маркай ProTrade і ўваходзіла ў свабодную эканамічную зону "Мінск". Заяву аб эканамічнай неплатаздольнасці падалі самі ўладальнікі фірмы. Яны ўдакладнілі, што фірма фактычна не працуе, а ўся маёмасць на суму 35 тысяч рублёў проста ляжыць на складзе.

У снежні мінулага года да кампаніі далучылі "ЕўраСтыльМэбля", якая займалася рамонтам мэблі.

Агульная сума пазык перавышае 2 млн. рублёў. З іх больш за паўмільёна - гэта запазычанасць за падаткі і зборы.

Суд распачаў справу аб банкруцтве і ўвёў ахоўны перыяд. Гэта працэдура, падчас якой правяраюць, ці сапраўды кампанія не можа плаціць за пазыкі. У гэты перыяд вывучаюць заяву аб банкруцтве, правяраюць фінансавы стан завінавачанага і вызначаюць, ці ёсць законныя падставы для пачатку працэсу банкруцтва.

"Мебелінк" - была адной з лідараў беларускага рынку ў сваім кірунку. Яна пастаўляла мэблю ў офісы многіх вядомых кампаній, уключаючы Wargaming, "Мілавіцу", "Белтрансгаз", "Атлант", "Санта Брэмар", банкі і дзяржаўныя ведамствы.

“Выратаваць “Пра-Трэйд” не ўдалося. Хоць я змагаўся да апошняга рубля”, - напісаў яшчэ ў снежні мінулага года суўладальнік і дырэктар фірмы Алег Надзін на сваёй старонцы ў Facebook.

Бізнэсовец таксама растлумачыў, што "кампанія не справілася з валютным крэдытам, а пастаянны адток значных грашовых сродкаў прывёў да фінансавага і кадравага знясілення".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com