«Гэта ганьба. Абсталютная»: у беларускім футболе разгарэліся неабыякі жарсці

Трэнер "Нёмана" ваюе супраць менскага "Дынама".

СМІ пісалі, што гарадзенскі "Нёман" прайшоў менскае "Дынама" ў 1/8 фіналу Кубка Беларусі. Матч закончыўся скандалам, прычым жарсці не цішэюць дагэтуль, піша «Зеркало».

Нагадаем, 1 сакавіка "Нёман" перамог "Дынама" з лікам 2:0 і прабіўся ў чвэрцьфінал Кубка краіны. Першы мяч быў забіты пасля аўтагола, а ў другім выпадку вызначыўся футбаліст гарадзенскай каманды Аляксей Лягчылін.

Адразу пасля другога гола галоўны трэнер “Нёмана” Ігар Кавалевіч адрасаваў дынамаўскай лаўцы пару непрыстойных жэстаў. За гэта суддзя выдаліў Кавалевіча. Да гэтага, яшчэ пры ліку 1:0, трэнер "Нёмана" ледзь не сашчапіўся з настаўнікам "Дынама" Вадзімам Скрыпчанкам, абмяняўшыся рэплікамі на падвышаных тонах. Але іх своечасова разнялі.

“На працягу двух гадоў, сустракаючыся з “Нёманам”, з боку іх трэнерскага штаба на адрас нашай лаўкі гучаць непрыемныя выказванні. Гэта ўжо надакучыла, не хацелася б чуць такое ад калег. Тым больш перад матчам быў прыязны поціск рукі, нармальныя эмоцыі. Але тое, што чуеш на працягу матча… Мне здаецца, што гэта з пункту гледжання прафесійнай этыкі не зусім правільна», - сказаў пасля гульні Скрыпчанка.

Яго падтрымаў футбаліст “Дынама” Раман Бягуноў: “Гэта ганьба. Абсалютная. У маім разуменні гэта так. Такога быць не павінна. Людзі павінны разумець тое, што яны кажуць”.

Кавалевіча дыскваліфікавалі, і першы чвэрцьфінальны двубой "Нёмана" Кубка Беларусі супраць "Іслачы" (гульня скончылася з лікам 0:0) ён глядзеў з трыбуны.

Пасля матчу трэнер “Нёмана” надумаў адказаць Бягунову наконт сваіх эмоцый: “Ганьба — тое, што яны пабеглі і плакаць пачалі. Ганьба - тое, што яны падаюць у штрафной, спатыкаюцца… Таму ні пра што не шкадую”.

Кавалевіч сказаў, што з боку "Дынама" непрыгожа "ісці кудысьці скардзіцца, каб тэлефанавалі потым у Гародню, выклікалі кагосьці". Відаць, ён намякаў на адміністрацыйны рэсурс сталічнага клуба, справы якога нібыта асабіста курыруе міністр спорту і турызму Сяргей Кавальчук.

Пры гэтым, паводле слоў Кавалевіча, "няма ніякага зла ні на "Дынама", ні на Скрыпчанку: ён абараняе сваю каманду, я — сваю".

Дадамо, што "Дынама" перамагала ў чэмпіянаце Беларусі два гады запар, а "Нёман" двойчы станавіўся сярэбраным прызёрам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com