У Літве будуць судзіць беларускіх шпіёнаў

Яны - літоўскія грамадзяне.

Двое грамадзян Літвы абвінавачваюцца ў шпіянажы на карысць Беларусі. Літоўская Генеральная пракуратура перадала іх справу ў суд, піша lrt.lt.

Усё пачалося з таго, што ў канцы 2022 года абодва абвінавачаныя паехалі ў Беларусь. Праз пасярэдніка яны дамовіліся аб кантактах і далейшым супрацоўніцтве з прадстаўнікамі вайсковых структур РБ. "У мэтах шпіянажу" адзін з мужчын уступіў у Літоўскі звяз стралкоў і стаў яго актыўным сябрам.

Мяркуецца, што да свайго затрымання ў лістападзе 2023 года абодва абвінавачаныя за грошы выконвалі заданні Галоўнай выведвальнай управы Генштаба Мінабароны Беларусі. Іх цікавіла інфармацыя аб дыслакаванай у Літве вайсковай тэхніцы і ўзбраеннях, якія належаць як літоўскім падраздзяленням, так і саюзнікам ў NАТО, аб стратэгічнай інфраструктуры аб'ектаў і іх ахове. Таксама збіраліся звесткі аб працы Літоўскага звязу стралкоў і зместу яго вучэнняў, аб дзейнасці беларускай апазіцыі ў Літве і яе ўдзельніках. У Беларусі былі зацікаўленыя і ў звестках аб грамадзянах Літвы-патэнцыйных кандыдатах на вярбоўку.

Мяркуецца, што сабраная і перададзеная ў Менск інфармацыя не была засакрэчаная. Аднак яна "мае каштоўнасць для Узброеных сіл замежных дзяржаў пры падрыхтоўцы планаў вайсковай агрэсіі, а таксама выкарыстоўваецца для іншай дзейнасці, накіраванай супраць Літвы". Відаць, разглядаецца варыянт, што РБ магла перадаваць атрыманую інфармацыю Расеі.

Грамадзянам Літвы пагражае да 15 гадоў пазбаўлення волі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com