Літоўскія сілавікі знайшлі склад кантрабандных цыгарэт на мяжы з Беларуссю

Іх кошт - 37 тысяч еўраў.

Склад кантрабандных беларускіх цыгарэт знайшлі памежнікі ў Салечніках на тэрыторыі Літвы, паведамляе Служба аховы дзяржаўнай мяжы (САДМ) гэтай балтыйскай дзяржавы.

Нелегальны тавар - 12 каробак з лагатыпам гарадзенскай тытунёвай фабрыкі "Нёман" з 8,4 тысяч пачкаў цыгарэт "NZ Gold" - быў схаваны ў закінутым доме ў вёсцы Сакалінес, якая знаходзіцца на самай мяжы з Беларуссю (Воранаўскі раён Гарадзенскай вобласці). Кошт кантрабандных цыгарэт з улікам падаткаў, паводле ацэнкі літоўскага боку, перавышае 37 тысяч еўраў.

«У сувязі з незаконным валоданнем таварамі, якія абкладаюцца акцызамі, у Воранаўскім памежным атрадзе распачатае дасудовае расследаванне, якім кіруе пракурор 2-га аддзела крымінальнага пераследу Віленскай акруговай пракуратуры. За такое злачынства законам прадугледжаны штраф ці пазбаўленне волі на тэрмін да 4 год. Памежнікі працягваюць актыўныя дзеянні <…> для выяўлення датычных асоб», - гаворыцца ў паведамленні САДМ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com