«Агонь распаўсюджваўся вокамгненна»

Пасля пацяплення ў Беларусі разгарэліся прыродныя пажары.

У лясах учора зафіксавана 36 пажараў. Агульная плошча асяродкаў папярэдне ацэньваецца на 64,1 га, паведамілі ў Мінлясгасе.

Лясныя пажары бушавалі ва ўсіх абласцях краіны за выключэннем Віцебскай. Найбольш складаная абстаноўка на Берасцейшчыне — там дзяржаўнай лясной ахове давялося рэагаваць на ўзгаранні 20 разоў.

У Гомельскай вобласці зафіксавана 8 лясных пажараў, у Гарадзенскай і Магілёўскай - па 3, у Менскай - 2 лясныя пажары.

«У многіх выпадках гарэла балоцістая мясцовасць. Сухая расліннасць, моцныя парывы ветру - агонь распаўсюджваўся вокамгненна. Сур'ёзную пагрозу лясному фонду наносяць сельгаспалі, спальванне людзьмі сухой расліннасці на прысядзібных надзелах», - адзначылі ў Мінлясгасе.

Мясцовыя ўлады ўжо ўводзяць забароны і абмежаванні на наведванне лясоў. На 11.30 7 сакавіка забаранілі наведваць лясы ў Берасцейскім, Камянецкім, Баранавіцкім і Лунінецкім раёнах. Абмежаванні ўвялі ў Ляхавіцкім, Кобрынскім і Жабінкаўскім.

Паводле аператыўных звестак МНС, учора ліквідаваны 31 лясны пажар на агульнай плошчы 67,882 га, тры тарфяныя пажары на агульнай плошчы 1,72 га і 259 пажараў травы і кустоў на агульнай плошчы 76,527 га.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com