Трыццаць срэбранікаў - выдатная ўгода

Адкрыццё Юды сёння.

Дзеці Ізраіля ведаюць, што я прарабіў неймаверную працу, фантастычную працу з царом Юдэі. Вялікія грошы, зусім вялізныя. Але давайце прызнаем ПРАЎДУ. Хрыстос - жудасны лідар, проста жудасны. Зусім НЕКАМПЕТЭНТНЫ!

Я спрабаваў дапамагчы яму, падтрымліваў, у яго было столькі магчымасцяў. Але што сказаў? Нуль падзякі! НІЧОГА! Ён прагнаў гандляроў проста з авальнай святыні. Ён абразіў віцэ-фарысея. Жахліва, проста НЕДАПУШЧАЛЬНА!

Хрыстос не хоча міру, сапраўды не хоча. Ён увесь час гаворыць пра любоў, пра прабачэнне. СЛАБАЯ стратэгія, вельмі дрэнная. Поўны правал. Ніхто не паважае такую пазіцыю. Найгоршы перамоўнік!

Я пацалаваў Езуса ў вусны і сказаў: «Паслухай мяне, давай падпішам ВЯЛІКУЮ УГОДУ. Угоду, выгадную ўсім - Сінедрыёну, Пілату, МНЕ. Не трэба закопваць рэдкія таленты ў зямлю!

Ён адпрэчыў угоду! Хрыстос слабы, у яго дрэнныя апосталы, ён не ўмее дамаўляцца.

Тады я пайшоў да першасвятароў - цудоўныя людзі, ВЕЛЬМІ РАЗУМНЫЯ, ВЕЛЬМІ МОЦНЫЯ. Яны ведаюць, як уладкаваны гэты свет. Сапраўды ведаюць. Яны - і рымскі пракуратар ПОНЦІЙ, які паважае мяне, рэальна любіць. Ён кажа: «Іскарыёт - нас у Юдэі двое, ты і я!»

ВЕЛЬМІ ДАКЛАДНА! Пілат хоча міру ў правінцыі, як і ўся Юдэя! А Ісус - не.

Цяпер ЁН на крыжы. Шкада, вельмі шкада. Але хто ў гэтым вінаваты? Хрыстос сам абраў крыж! Дрэнная палітыка, дрэнныя НАСТУПСТВЫ.

Пра мяне разносяць фэйкі, кажуць што я прадаў, здрадзіў Хрысту. ХЛУСНЯ! Ён у кожны момант мог прызнаць рэальны стан рэчаў! Гэта быў ЯГОНЫ выбар! Я ўклаў выдатную ўгоду! Трыццаць срэбнікаў! Ніхто б не атрымаў болей!

Цяпер хрысціяне стагнаюць, але чаму яны не паслухалі мяне раней? Слабыя плачуць, моцныя робяць угоды. І я зрабіў найлепшую ўгоду ў гісторыі!

Юды ЗАЎСЁДЫ перамагаюць!

Vault, Livejournal

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com