«Лукашэнка - гэта проста цень мінуўшчыны»

Дыктатар хаміць і выдыгае.

Беларускі аналітык Сяргей Чалы параўнаў паводзіны беларускага дыктатара і прэзідэнта Украіны.

- Калі Лукашэнка казаў «я сваю дзяржаву за цывілізаваным светам не павяду», ён жа меў на ўвазе не толькі геапалітычны, але і каштоўнасны выбар, - адзначыў Сяргей Чалы на канале БРЦ. - Вось роўна гэтак жа, як Лукашэнка пераадкрыў мадэль аўтаперавароту ва ўнутранай палітыцы, ён пераадкрыў мадэль паводзін слабой краіны ў свеце, якой кіруюць буйныя драпежнікі.

І гэтая мадэль у замежнай палітыцы аналагічная той, якую фашызоідныя рэжымы прапануюць сваім прыхільнікам унутры: убудаванне ў іерархію, дзе зневажальнае падпарадкаванне моцнаму кампенсуецца правам пераследаваць больш слабога.

Узгадайце хаця б поўзанне Лукашэнкі перад Пуціным і хамскія паводзіны ў стаўленні да Пашыняна, прэм'ер-міністра Арменіі, якая толькі што саступіла ў вайне.

Але ж убудаванне ў іерархію, дамінаванне і падпарадкаванне дае толькі ілжывае пачуццё бяспекі. Галоўны навык жыцця з тыранам - што на міжнароднай арэне, што на ўнутранай - лепш за ўсё апісваецца ходкім сёння выразам «не злаваць дзеда».

І такое жыццё толькі здаецца нармальным датуль, пакуль няма прыкладу іншай арганізацыі сацыяльнасці і прыкладу супрацьстаяння тыраніі.

Як той прыклад, які беларусы паказалі свету ў 2020 годзе, і той, які зараз увасабляе ўкраінскі народ і прэзідэнт Зяленскі, які ў Вашынгтоне ў безнадзейнай сітуацыі ў жывым эфіры ўсяму свету прадэманстраваў усю нікчэмнасць і дробязнасць палітыкаў, якія спрабуюць корчыць з сябе вялікіх гістарычных асоб.

І Трамп, і Пуцін, і Лукашэнка, і Орбан, і хто там яшчэ - гэта не нейкая асобная гістарычная аберацыя. Гэта проста цені мінуўшчыны. Досыць, зрэшты, папулярныя ў розных кутках свету. А вось Еўразвяз з'яўляецца абсалютнай антытэзай такога падыходу. Ён ствараўся менавіта для таго, каб прадухіліць дамінаванне моцнага і ў эканоміцы, і ў палітыцы. Як інструмент гарманізацыі і ўліку інтарэсаў усіх.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com