Заявы Трампа перапалохалі індыйскія НПЗ

Індыя тэрмінова шукае альтэрнатыву расейскай нафце.

Дзяржаўныя індыйскія нафтаперапрацоўчыя кампаніі Bharat Petroleum Corp. і Hindustan Petroleum Corp. тэрмінова шукаюць дадатковыя крыніцы пастаўкі нафты на Блізкім Усходзе, у Паўночным моры і Міжземнамор'і.

Гэта звязана з пагрозай прэзідэнта ЗША Дональда Трампа ўвесці так званыя другасныя мыты супраць пакупнікоў расейскай нафты, калі расейскі дыктатар Уладзімір Пуцін адмовіцца ад замірэння ва Украіне, піша Bloomberg.

Заява прэзідэнта ЗША прывяла да росту ф'ючарсаў на нафту, у тым ліку амерыканскі гатунак нафты West Texas Intermediate падаражэў на 3,1% 31 сакавіка 2025 года.

Як гаворыцца ў матэрыяле, індыйскія нафтаперапрацоўшчыкі шукаюць нерасейскія пастаўкі на спотавым рынку, каб знізіць сваю залежнасць ад расейскай нафты.

Індыя амаль не купляла расейскую нафту да 2022 года, але пасля пачатку поўнамаштабнай расейскай агрэсіі стала другім паводле велічыні імпарцёрам пасля Кітая.

Пастаўкі з Расеі ў Індыю складалі блізу 40 адсоткаў яе імпарту ў 2024 годзе, прычым асноўную частку закупак склала нафта гатунку Urals з заходніх партоў. Дзякуючы доступу да таннейшай расейскай нафты Індыя зменшыла імпарт з Блізкага Усходу і з Афрыкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com