Вайсковае кіраўніцтва Украіны, Брытаніі і Францыі правядзе сустрэчу

Стораны плануюць абмеркаваць наступны этап умацавання бяспекі Украіны.

Вайсковае кіраўніцтва Украіны, Вялікабрытаніі і Францыі правядуць сустрэчу ў найбліжэйшыя дні. Пра гэта расказаў прэс-сакратар прэм'ер-міністра Вялікабрытаніі Кіра Стармера, паведамляе Reuters (пераклад - «Униан»).

Стораны плануюць абмеркаваць наступны этап умацавання бяспекі Украіны. Удакладняецца, што будучая сустрэча была ўзгодненая падчас тэлефонных перамоў паміж Стармерам і прэзідэнтам Украіны Уладзімірам Зяленскім.

- Лідары прааналізавалі свой візіт у Парыж на мінулым тыдні і пагадзіліся, што існуе рэальны імпульс для падтрымкі бяспекі Украіны ў доўгатэрміновай перспектыве, - паведаміў прэс-сакратар Стармера.

У той жа час прэзідэнт Украіны выказаў падзяку Вялікабрытаніі за ціск з яе боку на Расею.

- Рыхтуем сустрэчу нашых вайсковых прадстаўнікоў для падрыхтоўкі кантынгентаў. Шануем пазіцыю Брытаніі наконт ціску на Расею. Ціск трэба дастаткова моцны, каб не даваць расейцам пашыраць гэтую вайну.

Тым больш зараз у Маскве адкрыта здзекуюцца са спроб партнёраў прасоўваць мірны парадак дня: пастаянна новыя ўдары дронаў, пастаянна жорсткія абстрэлы. Толькі ціскам гэта трэба спыняць і прымушаць Расею да міру, - казаў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com