У Еўразвязе прыстрашылі Трампа адказам

Брусэль гатовы прыняць жорсткія контрмеры на мыты ЗША.

Еўразвяз прыме меры ў адказ, калі прэзідэнт ЗША Дональд Трамп увасобіць свае пагрозы аб увядзенні драконаўскіх мытаў у рэальнасць. Пра гэта паведаміла старшыня Еўракамісіі Уршуля фон дэр Ляен, паведамляе Вloomberg.

«Мы не хочам прымаць меры ў адказ. Аднак, калі спатрэбіцца, у нас ёсць дакладны план мер у адказ, і мы яго выкарыстаем», - паведаміла яна.

Са слоў фон дэр Ляен, так званыя ўзаемныя тарыфы ўступяць у дзеянне паралельна з 25%-мі мытамі на ўсе аўтамабілі, якія імпартуюцца ў ЗША, і 25%-мі мытамі на імпарт сталі і алюмінію. ЕЗ рыхтуе контрзахады ў дачыненні да амерыканскіх тавараў на суму да 26 млрд еўраў.

Фон дэр Ляен падкрэсліла, што сіла Еўразвязу не толькі ў гандлі, але і ў тэхналогіях. Яна ўказала на важнасць еўрапейскага бізнэсу для буйных амерыканскіх тэхналагічных кампаній.

«У Еўропы шмат карт. Ад гандлю да тэхналогій. Але гэтая сіла таксама грунтуецца на нашай гатоўнасці прымаць жорсткія контрмеры», - папярэдзіла яна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com