На беларускія прадпрыемствы прыйдуць з праверкамі

У спіс патрапіў "Нафтан".

У красавіку ў Беларусі пройдзе дастаткова шмат выбарачных праверак суб'ектаў гаспадарання. Сярод тых, да каго прыйдуць прадстаўнікі кантрольных органаў, - буйныя прыватныя і дзяржаўныя прадпрыемствы. Графік праверак размешчаны на сайце Камітэта дзяржкантролю.

Чакаем найбольш “гучных імёнаў” сярод тых, каго будуць правяраць, — у Менску. Так, МАРГ праверыць кампанію "Тытунь-Інвест", Камітэт дзяржкантролю - буйнога дыстрыбутара "Алідзі-Вест" і "Белкамунмаш". Спецыялісты МНС прыйдуць у ЗТАА "ЛУКОЙЛ Беларусь", а Мінпрыроды - у ААТ "Камволь".

У Менскай вобласці Мінпрацы будзе правяраць ААТ "БелАЗ", а ФСАН - ААТ "140 рамонтна-механічны завод". У Гомельскай - Мінпрыроды праверыць ААТ "Светлагорскі ЦКК", а МНС - ААТ "СветлагорскХімвалакно" і Гомельскі вагонабудаўнічы завод.

На Гарадзенскі ЛГЗ і ў ААТ "Мастоўдрэў" прыйдуць спецыялісты МНС. У гэтым жа рэгіёне КДК праверыць Навагрудскі завод газавай апаратуры. А ў Берасцейскай вобласці МНС і Транспартная інспекцыя будуць правяраць Жабінкаўскі цукровы завод, Мінпрацы - РУВП "Граніт", а абласное ГУ Мінфіна - адміністрацыю СЭЗ "Брэст".

На Магілёўшчыне ў красавіку праверкі МНС пройдуць на Бабруйскім заводзе алею і Магілёўскім металургічным заводзе, а Дзяржкамітэт стандартызацыі праверыць працу Магілёўскай фабрыкі марозіва.

І нарэшце, у Віцебскай вобласці праверкі МНС пройдуць на "Віцебскэнэрга", "Нафтане" і Аршанскім станкабудаўнічым заводзе "Чырвоны змагар". А супрацоўнікі КДК прыйдуць на Віцебскі маторарамонтны завод.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com