Літва гатова адправіць міратворцаў ва Украіну

Вільня стане часткай «Кааліцыі ахвочых».

Міністр замежных спраў Літвы Кястуціс Будрыс заявіў, што ягоная краіна гатовая стаць часткай «Кааліцыі ахвочых».

Аб гэтым ён сказаў падчас прэс-канферэнцыі з кіраўніком МЗС Украіны Андрэем Сібігам у Кіеве, піша New Voice.

«Гаворачы пра іншыя элементы дапамогі ў сферы бяспекі і наш удзел у гарантаванні бяспекі, Літва гатовая прыняць удзел у Кааліцыі ахвочых. Гэта азначае, што разам з іншымі еўрапейскімі нацыямі мы будзем удзельнічаць у намаганнях тут, ва Украіне, над тымі задачамі, якія яшчэ будуць вызначаныя. Гэта будзе яшчэ адным доказам нашага доўгатэрміновага абавязання ў будучыні дапамагаць вам», - падкрэсліў Будрыс.

Кіраўнік МЗС Літвы падкрэсліў, што Украіна бароніць свой суверэнітэт, тэрытарыяльную цэласнасць, а таксама сваю годнасць у барацьбе з краінай-агрэсаркай - Расеяй.

Паводле ягоных слоў, абавязак Літвы - падтрымліваць украінцаў у доўгатэрміновай перспектыве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com