Пуцін дазволіў банкам блакаваць выдачу расейцам гатоўкі
6- 1.04.2025, 15:07
- 5,084
Падазроныя аперацыі будуць абмяжоўвацца.
Расейскія банкі з 1 чэрвеня 2025 года атрымаюць права абмяжоўваць выдачу кліентам гатоўкі з рахункаў праз банкаматы, калі палічаць, што аперацыя з'яўляецца падазронай. Адпаведны закон у аўторак, 1 красавіка, падпісаў Пуцін.
Згодна з дакументам, які апублікаваны на партале прававой інфармацыі, абмежаванні на зняцце "кэша" банкі будуць уводзіць "пры наяўнасці прыкмет выдачы грашовых сродкаў без згоды кліента". У гэтым выпадку крэдытная арганізацыя будзе абавязана на 48 гадзін устанавіць ліміт: кліенту будзе забаронена здымаць больш за 50 тысяч рублёў за дзень. Крытэрыі, па якіх будуць уводзіцца гэтыя абмежаванні, усталюе Банк Расеі, гаворыцца ў законе.
Яшчэ больш жорсткія абмежаванні - зняцце не больш за 100 тысяч рублёў на месяц - банкі будуць уводзіць, калі рахунак кліента патрапіў у «чорны спіс» ЦБ. У яго будуць уносіцца рахункі і карты, па якіх раней былі зафіксаваны выпадкі ашуканскіх пералічэнняў.
Згодна з законам, які дэкларуецца як накіраваны на барацьбу з кібермахлярствам, у Расеі будзе створаная спецыяльная дзяржаўная інфармацыйная сістэма (ДІС) для процідзеяння правапарушэнням з выкарыстаннем інтэрнэт-тэхналогій. Доступ да яе атрымаюць Генеральная пракуратура, Следчы камітэт, ЦБ РФ, банкі, а таксама аператары сувязі і "федэральныя органы выканаўчай улады".
Са звестак Цэнтрабанка, на 1 студзеня 2025 года расейскія грамадзяне трымалі ў банках 57,5 трлн рублёў, уключаючы дэпазіты на 40,4 трлн рублёў і яшчэ 17 трлн на бягучых рахунках. З пачатку вайны ашчадак фізічных асоб банка павялічыўся на 22,8 трлн рублёў, ці 65%.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
