Сябар Лукашэнкі Додзік уцёк у Маскву

Яго шукае Інтэрпол.

Прарасейскі лідар баснійскіх сербаў Міларад Додзік, якога ў Босніі і Герцагавіне абвінавацілі ў замаху на канстытуцыйны лад, прыбыў у Маскву. Пра гэта ён паведаміў увечары ў панядзелак у відэазвароце ў X. «Я прыбыў у Маскву», – сказаў Додзік, не называючы свой ад'езд уцёкамі. Ён дадаў, што дыктатар РФ Уладзімір Пуцін запрасіў яго на святкаванне Дня перамогі ў Маскве 9 траўня.

У канцы лютага экс-прэзідэнт Босніі і кіраўнік Рэспублікі Сербскай – рэгіёну краіны з сербскай большасцю – быў завочна асуджаны да года турэмнага зняволення і адхілены ад палітычнай дзейнасці на шэсць гадоў паводле справы аб невыкананні пастановаў прадстаўніка ААН.

У 2023 годзе ён прасоўваў законапраект, накіраваны на блакаванне выканання пастановаў Канстытуцыйнага суда Босніі і Герцагавіны і Высокага прадстаўніка ААН у краіне Крысціяна Шміта. Аднак Додзік на свой судовы працэс не з’явіўся. Спачатку ўлады выдалі ўнутраны ордар на арышт палітыка, але Сараева ўстрымалася ад ягонага затрымання, баючыся патэнцыйнай палітычнай эскалацыі ў краіне. У выніку ў мінулы чацвер, калі стала зразумела, што Додзік плануе пакінуць краіну, суд у Сараеве выдаў міжнародны ордар на ягоны арышт.

На мінулым тыдні Додзік пакінуў Боснію і скіраваўся ў Бялград, адкуль вылецеў у Іерусалім для ўдзелу ў канферэнцыі пра антысемітызм, арганізаванай урадам краіны. Пасля палітык вярнуўся ў Бялград, знік на некалькі дзён, а потым раптам з'явіўся ў Маскве.

Додзік – гэта прарасейскі палітык, які ў 2022 годзе падтрымаў уварванне Масквы ва Украіну. Ягоны ўрад у Рэспубліцы Сербскай выступае за незалежнасць ад Босніі і Герцагавіны і карыстаецца падтрымкай Крамля.

Раней лідары некаторых балканскіх краінаў, якія атрымалі незалежнасць пасля развалу Югаславіі, таксама ўцяклі ў Маскву, каб унікнуць турэмнага зняволення на радзіме. Сярод іх жонка прэзідэнта Сербіі часоў югаслаўскай грамадзянскай вайны Слабадана Мілошавіча Міра Марковіч, якая атрымала прытулак у Расеі ў 2003 годзе разам са сваімі дзецьмі. Таксама гаворка ідзе пра экс-кіраўніка Мінабароны Югаславіі Вялька Кадзіевіча, які ўцёк у Маскву ў 2001 годзе, каб пазбегнуць магчымай позвы аб ваенных злачынствах з Гаагі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com